Ni iti kukwe ngwandretari bökän nie o nita kukwe niere ye ñan rabadre tuin metre ie, akwa yebiti ta tö rabadre kukwe mikai gare jai ngwane, kä jutobiti nikwe blitai jankunu ben. Nire nire töita “metre o bökän nünanbätä kärekäre” yebe ni tö blitai (Hech. 13:​48, TNM).

Akwa ni ye tädre rubun, o tö rabadre jerekäbe ja kwetai nibe, o ñan tö rabadre blitai jire ngwane, ¿ni raba dre nuainne? Ye erere ngwane, bäri kwin blita mikadre krüte töi jämebiti aune töi kwinbiti (Prov. 17:14). Mä rika mento yete känenkri, kukwe mrä niere ie töi kwinbiti, biti mä rikata; mada ngwane, ni ye tö rabadre blitai nibe o ño ye ñaka gare nie (1 Ped. 2:12).