Jesukwe nuainbare ño

Jesús kukwe kwin bämikani, ¿ye tä dre driere nie?

2. Nita nitre tarere yebätä ni töita kwatibe aune juto biare dimikakäre ne kwe nändre kwetre Jesús jiebiti.

 Ja ngwen Jesús erere

3. Ora aune kä meden bäri kwin ni ja tötikaka kräke yekänti tötike. ¿Ora aune köbö meden tuin bäri kwin ie raba ruin mäi? ¿Kä meden känti ja ruin bäri kwin ie raba ruin mäi? ¿Sribi käite, gwi o kä mada känti? Raba ngwane, kukwe ükete jai niara tötikakäre ora aune kä meden bäri kwin kräke yekänti.

4. Ja di ngwen ni ja tötikaka ye tötike käre. Nane köbö kitani munkwe jai ye ngwane mä ñan raba niken tötike ngwane, ñan ja tötika ye mikete bämän ja käne kräke, ñakare aune mä raba ne nuainne:

1.    Mun raba ja tötike köbö madate bämän ye ngrabare.

2.   Mun raba ja tötike telefononbiti o videoconferencia yebiti.

3.   Ma raba ja di kärere eteba o ngwai iti ie ne kwe ni ye tötikadre kwe mä kräke.

5. Orare töbikakäre kwin. Ja di kärere Jehovai ne kwe käre mä töi tädre kwatibe aune juto biare ni ja tötikaka dimikakäre; niara ñan tä ja tötike käre o dre nemen gare ie ye ñan tä mike täte bengwairebe ngwane, bäri mä rabadre ja di kärere Jehovai (Filip. 2:13). Ja di kärere Jehovai ne kwe mä dimikadre kwe ja töi mike ni ja tötikaka töi meden kwin yebätä. Töi kwin tärä keta kabre kwe, ¿ñan ererea?