Jesukwe nuainbare ño

Jesús kukwe kwin bämikani, ¿ye tä dre driere nie?

2. Ni ruäre tä kukwe kwin Ngöbökwe ye kain ngäbiti jötrö aune ni mada abokän ñaka, yebätä nikwe nitre ngübadre bätärekä.

 Ja ngwen Jesús erere

3. Ja kite kukwe jene jene nuainne. Kenanbe ni iti ñan tö rabadre ja tötikai Bibliabätä ngwane, mäkwe ñaka nuainmana ja dibiti ie. Akwa raba tuin kwin mäi ngwane, nita nitre tötike ño Bibliabätä aune ñobätä ye kwin niara kräke ye mike tuare ie video o täräkwata yebätä.

4. Ni iti ñan ketadre ni madabätä. Ni itire itire ye ñaka ja erebe. Ñobätä mä mräkä o vecino mäkwe ñan tö ja tötika o kukwe drieta Bibliabätä ye kain ngäbiti ye ngwentari jai. ¿Akräke ni ye töi känime o töi jankunu kukwe mikata täte kwe yebätä? ¿Mräkä kwe o ni mada tä töi mike ja dibiti ñan ja tötika kain ngäbiti? Munkwe dre kädriebare jabe yebätä mäkwe kä bian debe näre ie töbikakäre ne kwe dre drieta Bibliakwe ye jatadre tuin ütiäte ie.

5. Ja di kärere Jehovai töbikakäre kwin nitrebätä. Ja di kärere Jehovai ñan ja ngwankäre di nekä, ñakare aune nitre mikakäre ütiäte jankunu jai. Arato, ni iti ñan tö ja tötikai bökän tuin mäi ye ñongwane mä ñan rabadre tötike mada, ye mäkwe niedre Jehovai orasionte ne kwe rabadre gare mäi (1 Cor. 9:26).