Nitre Braibe Konkrekasion Jökrä Ngübabitikä mada kädekani
KÖBÖ miércoles 24 enero 2018 yete kukwe ütiäte mikani gare ja mräkätre aune ja ngwaitre nünanka Betelte juta Estados Unidos aune Canadá yei: ja mräkä Kenneth Cook ye kädekani Nitre Braibe Konkrekasion Jökrä Testiko Jehovakwe Ngübabitikä.
Ja mräkä Kenneth Cook därebare aune ririabare kä Pensilvania (Estados Unidos) yekänti. Nämäne kwelate ye ngwane ja ketamuko iti kwe ye köböire kukwe metre namani gare ie, köbö 7 junio kä 1980 ye ngwane ja ngökani ñöte kwe jämi ngedenkä colegiote ye känenkri. Köbö 1 septiembre kä 1982 ye ngwane sribi prekursor regular kömikani kwe. Kä nikani kubu ta ye bitikäre, niara nübaibare sribire Betelte. Köbö 12 octubre kä 1984 ye ngwane namani sribire kä Wallkill (Nueva York) yete.
Kä nikanina 25 ta yete, ja mräkä Kenneth Cook sribi keta kabre Ngöbökwe nuainbare, ñodre, imprenta aune Oficina Betelte yete. Kä 1996 ye ngwane, niara ja mäkäninte Jamie ben, Jamie namani sribire Kenneth Cook ben kä Wallkill yete. Sö diciembre 2009 ye ngwane niaratre nikani sribire Centro Educativo de la Watchtower Patterson yete, ja mräkä Kenneth Cook mikani sribire Oficina Mrö Ja Üaire Sribeta Jie Ngwankäre yete. Sö abril 2016 ye bitikäre niaratre janamanenta jötrö kä Wallkill yete, ja mräkä Kenneth Cook aune muko kwe mikani sribire Brooklyn yete. Aune sö nikani krärike ta ye bitikäre, niaratre juani sribire oficina bäri kri sribebare mrä kä Warwick yekänti. Sö enero kä 2017 ye ngwane, ja mräkä Kenneth Cook kädekani Nitre Dianinkä Mrö Ja Üaire Sribeta Jie Ngwankäre ye dimikakäre.