KUKWE JA TÖTIKARA 51
¿Jehová ño ye gare kwin mäi?
“Nitre ie mä kä gare ye tö ngwandi mäi; nire nire tä mä känene ye mäkwe ñaka tuainmetre jire, Jehová” (SAL. 9:10).
KANTIKO 56 Kukwe metre mike täte
KUKWE NEBÄTÄ JA TÖTIKAI *
1, 2. ¿Kukwe namani bare Angelitobätä ye tä dre driere nie?
¿MÄ RÜN aune mä meye ye testiko Jehovakwe? Ye erere ngwane, ja ketadre Ngöböbe ye ñan ja töbiti tä nemen bare ye mäkwe ngwan törö jai. Ni rün aune ni meye tä Ngöbö mike täte o ñaka mike täte akwa ni itire itire käkwe ja di ngwandre ja ketakäre kwin Jehovabe.
2 Ani blite ja mräkä kädekata Angelito yebätä. Mräkätre kwe ye jökrä testiko Jehovakwe. Nämäne bati ngwane, ja ñaka nämäne ruin Ngöbö ken ie. Tä niere: “Ti mräkätre nämä Jehová mike täte yebätä ti nämä mike täte”. Akwa niarakwe ja töi mikani ñäke Bibliabätä, töbiketaribätä aune jatani orare bäri Ngöböi. ¿Ye köböire dre namani gare ie? “Ti Rün kä kwinbiti Jehová rabadre gare kwin tie ye aibe köböire ja raba nemen ruin ken tie ye rükaba gare tie”. Kukwe namani barebätä yebätä ni raba kukwe ketebu ngwentari. ¿Jehová gare kwin nie o kukwe ruäre aibe gare niarabätä nie? ¿Ñokänti Jehová raba nemen gare nie?
3. Kukwe kia kia gare Jehovabätä nie ngwane, ¿niara gare kwin nie ni raba niere?
3 Ngöbö kä ño, kukwe nuainbare kwe aune kukwe niebare kwe ye gare nie ngwane, kukwe gare niarabätä nie ni raba niere. Akwa Jehová rabadre gare kwin nie yekäre kukwe mada nuaindre. Nikwe kä diandrekä jai ja tötikakäre niarabätä
aune töi kwin keta kabre yebätä. Ye köböire, dreta töi mike kukwe niere aune ñobätä tä kukwe nuainne ye rükai gare nie. Ye käkwe ni dimikai, drebätä nita töbike aune nita dre nuainne ye tuin kwin ie o ñakare ye mike gare jai. Jehová tö ni tuai dre nuainne tä nemen gare nie ngwane, nikwe nuaindre.4. ¿Nitre kirabe yebätä ja tötikadre ye ñobätä raba ni dimike?
4 Ni tö Jehová mikai täte yebätä nitre ruäre tä nemen ni kötaire o nita kite kwen gätäbätä ye ngwane bärira jire tä nemen ja mike ni rüere. Akwa nikwe tö ngwani kwatibe Jehovai ngwane niarakwe ñaka ni tuainmetre jire. Nikwe ye erere nuaindi ngwane ye aibe köböire ni rabai ja kete kärekäre ben. ¿Jehová raba nemen gare kwin nie? Jänri, raba nemen gare kwin nie. Ñodre Moisés aune rei David ye töi nämäne ngite ni erere akwa Jehová namani gare kwin ietre ye tä mike gare niara raba nemen gare kwin nie arato. Niaratre dre nuainbare ja ketakäre kwin Ngöböbe aune ñokänti Jehová namani gare kwin ietre bätä niaratre kukwe nuainbare yebätä dre raba nemen gare nie ye ani mike gare jai.
“NGÖBÖ TUEN ÑAKARE” NÄMÄNE TUIN MOISÉS IE
5. ¿Moisekwe ja töi mikani dre nuainne?
5 Kukwe nükani gare Moisés ie ye erere ja töi mikani kwe. Kä nämäne 40 biti ngwane, ñan tö namani ja kädekamana “Faraón ngänkän ngobo kwrere”, ñakare aune ja töi mikani kwe ja mike nitre israelita dianinkä Ngöbökwe jakrä yekri (Heb. 11:24). Moisés nämäne ni ütiäte Egipto akwa trö kwitani kwe kukwe ütiäte yei. Nitre israelita nämäne klabore yekri ja mikani kwe ngwane, faraón rabai rubun krubäte kräke nämäne gare ie, ñan ñobätä aune faraón ye rei dite krubäte aune nitre egipcio nämäne mike ngöböre jai. Moisés kukwe nuainbare yebiti bämikani kwe nämäne tödeke aune tö ngwen kwatibe Jehovai. Tö ngwani kwe Jehovai ye namani ütiäte krubäte ja ketakäre kärekäre ben (Prov. 3:5).
6. ¿Moisés kukwe nuainbare ye tä dre driere nie?
6 ¿Tä dre driere nie? Moisés erere, nikwe Ngöbö mikadi täte aune nikwe ja diainkä juta kwe yekri o ñakare ye tä gare ni itire itire ie. Sribidre Jehová kräke ye ñaka nuäre ñobätä ñan aune nitre ie Ngöbö ñaka gare tä ja mike ni rüere aune kukwe keta kabre kwin ni kräke ye tä nemen tuanemetre nie. Akwa nikwe tö ngwain ni Rün kä kwinbiti ie ngwane niarakwe ni dimikai.
7, 8. ¿Moisekwe dre mikani gare jankunu jai?
7 Moisekwe ja kitani jankunu Jehová töi nuainbätä aune mikabätä gare bäri kwin jai. Ñodre, Moisekwe juta Israel mikadre kwäre ribebare Jehovakwe ie ngwane, ja ñaka nükani törö ie aune bä kabre niebare kwe niara ñaka nämäne juto sribi ye nuainkäre. Akwa Ngöbökwe niara mikani tuin bobre jai aune dimikani kwe (Éx. 4:10-16). Ye köböire Jehovakwe kukwe tare mikai nemen bare ye Moisekwe mikani gare faraón ie. Ye bitikäre, Jehovakwe ja di kri yebiti nitre israelita mikani kwäre aune faraón bätä nitre rükä kwe ye ganinte mar Rojo yete ye Moisekwe tuani (Éx. 14:26-31; Sal. 136:15).
8 Moisés nitre israelita dimikani kämikekä Egipto ye bitikäre bati bobu namanintre ñäke Ngöbö rüere. Akwa yebiti ta Jehovakwe niaratre ngübabare bätärekä ye jutuabare Moisés ie (Sal. 78:40-43). Ne madakäre, Jehová ye töi bobre krubäte ye namani gare Moisés ie ñan ñobätä aune ja töi kwitani kwe Moisekwe ribebare ie ye ngwane (Éx. 32:9-14).
9. ¿Moisés nämäne ja kete Jehovabe ye mikata gare ño Hebreos 11:27 yete?
Hebreos 11:27 yebätä). Ño nita blite gwärere ni madabe ye erere Jehová nämäne blite ben nieta Bibliakwe, yebiti tä bämike niaratre nämäne ja kete kwin krubäte jabe (Éx. 33:11).
9 Nitre israelita kämikaninkä Egipto ye bitikäre Moisés namani ja kete bäri kwin Jehovabe, Rün kä kwinbiti nämäne tuin ie ye kwrere (ñäkädre10. ¿Jehová rabadre gare kwin nie yekäre dre nuaindre?
10 ¿Tä dre driere nie? Jehová rabadre gare kwin nie yekäre niara töi kwin keta kabre yebätä ja tötikadre aune niara tö dre ie ye nuaindre arato. ¿Akwa Ngöbö tö dre ie? “Kukwe era metre” rabadre gare nitre jökrä ie aune nitre rabadre dianintari yei Jehová tö nieta Bibliakwe (1 Tim. 2:3, 4). Niara töi nuaindre keteiti ye abokän nitre dimikadre ja kete ben.
11. Nita nitre mada tötike Jehovabätä ngwane, ¿ñobätä niarata nemen gare bäri kwin nie?
11 Nita nitre mada tötike Jehovabätä ngwane niarata nemen gare bäri kwin nie. Ñodre, nitre brukwäta biare kukwe mikakäre gare jai yekänti Jehovata niken ni ngwena ngwane, niarata nitre mike tuin bobre jai tä nemen gare nie (Juan 6:44; Hech. 13:48, TNM). Nitre ja tötikaka nikwe tä kukwe käme tuenmetre aune tä ja ngwäkite ni bitin kwrere ngwane, Ngöbö Kukwei ye dite tä tuin nie (Col. 3:9, 10). Aune Jehovata ni juen bati bobu kukwe driere nitre nünanka ni käite ie ye tä mike gare nie, niara tä nitre ngübare bätärekä (Rom. 10:13-15, TNM).
12. Éxodo 33:13 tä niere erere, ¿Moisekwe dre ribebare Ngöböi aune ñobätä?
12 Ja keta Jehovabe ye Moisekwe mikani ütiäte krubäte jai. Moisés kukwe keta kabre ñan tuabare nuainbare Ngöbö käbiti, akwa yebiti ta Ngöbökwe ja mikadre gare bäri kwin ie ribebare kwe ie töi bobrebiti (ñäkädre Éxodo 33:13 yebätä). * Kä namanina 80 biti bäri Moisebiti akwa nämäne ja kitadre jankunu ie Jehovabätä ye nämäne gare ie.
13. ¿Nita ja kete Ngöböbe ye ütiäte ni kräke bämikakäre nikwe dre nuaindre?
13 ¿Tä dre driere nie? Mekera nita Jehová mike täte o bitinkä nita mike täte akwa nita ja kete ben ye käre nikwe mikadre tuin ütiäte krubäte jai. Ye bämikakäre käre nikwe blitadre ben orasionte.
14. ¿Ñobätä orasion ye ütiäte krubäte Jehová mikakäre gare kwin jai?
14 Ni törbadre ja ketai kwin ni madabe ngwane käre blitadre ben ye ütiäte krubäte. Yebätä nikwe oradre käre Jehovai ja ketakäre kwin ben. Ni töita ño aune ja ruin ño nie ye mikakäre gare ie nikwe ñaka kä jürä ngwandre jabätä (Efes. 6:18). Meri Testiko nünanka Turquía kädekata Krista tä niere: “Tita Jehová tarere krubäte aune tita tö ngwen bäri ie, ñan ñobätä aune ti töita ño ye käre tita niere ie orasionte ngwane niarata ti dimike tä tuin tie. Ye köböire tita niara mike tuin jai ti Rün tikwe bätä Ja Ketamuko tikwe ye kwrere”.
NI MATE KWIN TI BRUKWÄBÄTÄ
15. ¿Jehovakwe dre niebare rei David yebätä?
15 Juta dianinkä Ngöbökwe jakrä yete rei David därebare. Mräkätre nämäne Ngöbö mike täte ye ñan aibätä nämäne mike täte, ñakare aune ja di ngwani kwe nemen ja ketamuko Ngöbökwe ja töi jeñebiti. Jehová nämäne David tarere krubäte aune David Hech. 13:22). ¿Se Davidkwe dre nuainbare ja ketakäre kwin Jehovabe?
nämäne mate kwin brukwäbätä niebare kwe (16. Jondron sribebare Jehovakwe ye mikabätä ñärärä, ¿dre nükani gare David ie?
16 Jondron sribebare ye mikabätä ñärärä Jehová namani gare bäri kwin David ie. Niara nämäne bati ngwane ora kabre te oveja ngübabare kwe tirete rün kräke. Yete jatani töbiketari jondron sribebare Jehovakwe yebätä. Ñodre, nämäne kä kwinta mike ñärärä deu ngwane, okwä ñan nämäne mate jerekäbe muke kwati krubäte yebätä, ñakare aune nirekwe sribebare yebätä nämäne töbiketari aune töi ño nämäne nüke gare ie. Ye käkwe töi mikani kukwe ne tike: “Kä kwinta tä Ngöbö käikitekä; jondron sribebare kwe ja kisebiti ye kä mobe kwinta tä mike gare” (Sal. 19:1, 2). Ni nire sribebare ño yebätä nämäne töbiketari ngwane Jehová ye töbätä krubäte nämäne tuin ie arato (Sal. 139:14). Töbikataribare kwe jondron sribebare Jehovakwe yebätä ngwane, Jehová ye kri krubäte niara kräke nükani gare ie (Sal. 139:6).
17. Jondron sribebare Ngöbökwe yebätä nikwe töbikaitari ngwane, ¿dre raba nemen gare nie?
17 ¿Tä dre driere nie? Ngöbökwe jondron sribebare yebätä nikwe töbikadretari. Nikwe ñaka nünandre jerekäbe kä tibien bä nuäre sribebare Jehovakwe nete, ñakare aune jondron bätäkä ngwarbe sribebare kwe ye jiebiti ni töi rikadre niä. Nita jondron nuainne mantre jetebe ye ngwane, kri mu, jondron nire aune ni nire tä ni bäre ye tä dre driere Jehovabätä nie yebätä töbikadretari. Ye erere nikwe nuaindi ngwane, kukwe rabai gare bäri nie ni Rün ni tarekä yebätä (Rom. 1:20). Ye köböire köbö kwatire kwatire niara jatai bäri tare nikwe.
18. Salmo 18 tä mike gare erere, ¿dre nükani gare David ie?
18 Jehová nämäne David dimike ye nükani gare ie. Ñodre, oveja rünkwe kriemikani kwe león aune oso yebätä ngwane, Jehovakwe dimikani jondron nire rubun ye kämike niebare kwe. Goliat ni kri krubäte ganainbare kwe ngwane, Jehová ara nämäne jie ngwen nükani gare ie (1 Sam. 17:37). Arato Jehová ara käkwe dimikani ngitie rei Saúl ngäniene ye nükani gare ie (Sal. 18, encabezamiento). David ye bike kri akräke ja käikitadrekä kwe kukwe jökrä yebätä. Akwa niara töi bobre yebätä Jehovakwe dimikani ye nükani gare ie (Sal. 138:6).
19. ¿David kukwe nuainbare ye tä dre driere nie?
19 ¿Tä dre driere nie? Ñan jerekäbe nikwe ja di kärädre Jehovai, ñakare aune niarata ni dimike ño aune ñongwane tä nuainne ye nikwe ja di ngwandre mike nüke gare jai. Ni töi bobre ngwane, ni di ñaka kukwe jökrä nuainkäre kaibe aune kukwe meden ni ñaka raba nuainne yekänti Jehovata ni dimike ye nüke gare nie. Niarata ni dimike ye nikwe gai ngwane ni jatai ja kete bäri kwin ben. Kukwe ye metre nükani gare ni Testiko nünanka Fiyi kädekata Isaac ie. Niarata Jehová mike täte kä kwati krubäte te, tä niere: “Ti jataba ja tötike kena Bibliabätä nükebe nengwane yebätä tita töbiketari ngwane, Jehovakwe ti dimikanina krubäte nüke gare tie. Ye köböire niara metre ti kräke”.
20. David aune Jehová nämäne ja kete kwin, ¿ye tä dre driere nie?
20 Jehová töi ño ye erere Davidkwe ja ngwani. Ni raba ja ngwen Jehová erere ñan ñobätä aune niarakwe ni sribebare (Gén. 1:26). Niara töi ño ye jatai nüke gare bäri kwin nie ngwane, bäri ni jatai ja ngwen niara erere. Ngöbö nämäne gare kwin David ie yebätä ja ngwani kwe niara erere nitre madabe. Akwa David ja mikani ngite Bat-Seba ben aune muko murie keta mananbare kwe ngwane dre namani bare yebätä töbike. Ja mikani ngite krubäte kwe Jehová rüere, akwa yebiti ta Jehovakwe mikani tuin bobre jai (2 Sam. 11:1-4, 15). ¿Ñobätä Jehovakwe mikani tuin bobre jai? Ñan ñobätä aune ye känenkri David nämänena ja ngwen Ngöbö erere aune nämänena nitre mada mike tuin bobre jai. David nämäne ja kete kwin Jehovabe ye köböire nitre käkwe tarebare krubäte aune niarakwe kukwe kwin bämikani rei mada käne niebare Ngöbökwe (1 Rey. 15:11; 2 Rey. 14:1-3).
21. Efesios 4:24 aune 5:1 tä niere erere, ¿nita ja ngwen Ngöbö erere ngwane dreta nemen bare?
21 ¿Tä dre driere nie? Nikwe ja ngwandre Ngöbö erere. Ye köböire kukwe kwin rabai nikwe, akwa bäri ütiäte, niara rabai gare bäri kwin nie. Nita ja ngwen Ngöbö erere ngwane, ni abokän monso kwe ye nita bämike (ñäkädre Efesios 4:24; 5:1 yebätä).
JA DI NGWANDRE JEHOVÁ MIKE GARE BÄRI KWIN JAI
22, 23. ¿Kukweta nemen gare Jehovabätä nie ye nikwe mikai täte ngwane dre rabai bare?
22 Nibira gare nie ye erere, Jehovakwe jondron sribebare aune Biblia yebiti tä ja mike gare nie. Moisés aune David erere, nitre kwati ja ngwani metre Ngöböi kädrieta tärä yebätä aune ni raba ja ngwen niaratre erere. Jehovakwe ja di ngwanina ja mikakäre gare nie. Akwa nikwe ja di ngwandre niara mikakäre gare kwin jai.
23 Käre kukwe mrä mrä rabai gare Jehovabätä nie (Ecl. 3:11). Kukwe gare krubäte niarabätä nie ye ñan ai bäri ütiäte, ñakare aune kukwe gare nie yebiti nita dre nuainne yebrä ütiäte. Kukwe gare nie ye nita mike täte aune nita ja ngwen ni Rün kä kwinbiti erere ngwane, niarakwe krötai jankunu ni ken (Sant. 4:8). Nireta niara känenentari ye niarakwe ñaka tuainmetre jire käbämikata kwe Bibliabätä.
KANTIKO 80 Jehová töi kwin ye gain
^ párr. 5 Ngöbö tärä ye nitre kwati tä mike era jai. Akwa niara ño ye ñaka gare metre ietre. ¿Jehová rabadre gare nie ye dre gärätä? Moisés aune rei David ja ketabare Ngöböbe, ¿yebätä dre raba nemen gare nie ja ketakäre ben? Kukwe ngwantarita ye nibike mikai gare jai kukwe ja tötikara nekänti.
^ párr. 12 Éxodo 33:13: “Mä tä ti kain ngäbiti ngwane, ji mäkwe ye driere tie ne kwe mä rabadre gare tie aune mäkwe ti kadre ngäbiti jankunu. Juta ne mäkwe ye mäkwe ñaka käi kwitaka jabiti”.