NI MIKAKA MOKRE (TÄRÄKWATA JA TÖTIKARA) Enero 2020
Kukwe nebätä ja tötikai 2 marzo nemen 5 abril 2020.
Mun nän aune nitre mika ja tötikaka
Texto dianinkä kä 2020 kräke ye käkwe ni dimikai ja töi mike kwatibe nitre mike ja tötikaka Jesukwe.
Ni raba ja mräkätre dimike krubäte aune töi mike jäme
Kukwe ketamä köböire ni raba ja mräkätre töi mike jäme aune dimike ye ani mike gare jai.
Jehová tä mä tarere aune mä ütiäte kräke
Nita bren, ngwian ñaka nie o ni niena umbre yebätä ja rabadre ruin ulire nie ngwane, ni ñokwä o jondron ñokwä raba ni Rün kä kwinbiti ye ketebätä jire chi ni tarekäre ye tädre gare metre nie.
“Ngöbö Üai ye arabe tä mike gare”
¿Ni kristiano diankata üai demebiti ye ñokänti tä nemen gare ie? ¿Ni diankata ye ngwane dreta nemen bare?
Nun näin munbe
Jesús Ja Nire Biani Ngwanta Törö Jai yete nitre tä ban kwete aune vino ñain, ¿ye nikwe mikadre tuin ño jai? ¿Kä kwatire kwatire nitre ja bianka nänkä kä kwinbiti jatadre nirien bäri ngwane nikwe töbikadre krubäte kukwe yebätä?
