Nita Jehová mike täte ja mräkätre kwati ben Ju Ja Ükarakrö aune gätä kri nuainta yete. Arato nita Jehová mike täte nita kaibe ye ngwane o ni mräkätrebe. Kukwe ruäre mikata gare yebätä ja tötika raba kaibe o ni mräkätrebe:

• Drebätä ja kitai gätäte yebätä ja tötikadre. Arato ja kita raba kantiko yebätä o comentario meden nikwe niei gätäte ye kädrie raba jabe.

• Ñäkädre kukwe keteiti namani bare kirabe yebätä. Ye bitikäre kukwe nakaninkä ye üai sribe raba ruäre o kukwe tä nemen tuin ütiäte nie ye tika raba jai.

• Nitre kirabe käkwe orabare nieta Bibliakwe yebätä ja tötika raba. Niaratre erere ni raba orare ño bäri kwin yebätä ja töi mikadre.

• Video tä jw.org ye tuadre. Biti dre tä nemen tuin kwin ye kädriere jabe o tikadre jai.

• Ja ükadrete kukwe driekäre. Nikwe dre niei yebätä ja kita raba.

• Jondron dätebare ye mikadre ñärärä aune tä dre driere nie Jehovabätä yebätä töbikadretari. Ni tädre keteitibe ja mräkätrebe ngwane, dre ütiäte tä nemen gare nie ye kädriere jabe. a