NI MIKAKA MOKRE (TÄRÄKWATA JA TÖTIKARA) Febrero 2017
Kukwebätä ja tötikai 3 nemen 30 abril 2017.
Jehová töita dre nuainbätä ye rabai bare metre
¿Ngöbö töi nämene ño Kä tibien aune ni kä tibienbätä kräke? ¿Akwa dre namani bare? Aune Jesús ja nire biani murie ketadre, ¿ye ñobätä ütiäte krubäte Ngöbö töi mikakäre nemen bare?
Ni kökanintari: ye jondron kwin krubäte Ngöbökwe biani nie
Ngöbökwe jondron kwin nuainbare ni kräke ye köböire kukwe kwin keta kabre raba nemen nikwe, akwa kukwe meden meden ütiäte rabadre bare angeletre aune ni Kä tibienbätä kräke ye mikai nemen bare arato.
Jehová tä juta kwe jie ngwen
Kirabe sete, Jehovakwe ni kä tibienbätä yebiti juta kwe jie ngwani. Jehová nämene nitre yebiti juta kwe jie ngwen, ¿ye dre nämene mike gare?
¿Nireta juta Ngöbökwe jie ngwen kä nengwane?
Jesús täi nitre nänkä jiebiti yebe nememe kä krütai yete käbämikani kwe ietre. ¿Niara tä juta Ngöbökwe jie ngwen ño kä nengwane?
KUKWE KWE MIKATA GARE
Kukwe kwin ñaka nuain bä nun kräke akwa Jehová tä nuainne bätäkä ngwarbe nun kräke
Douglas aune Mary Guest nämene sribi prekursor nuainne Canadá aune nämene sribi misionero nuainne Brasil bätä Portugal ye ngwane, kukwe kwin ñaka nuain bä niaratre kräke akwa Ngöbökwe nuainbare kräketre ye nükani gare ietre.
Nitre tä kukwe ngwentari
Apóstol Pablo tikabare Ngöbö tä juto biare ni dimikakäre. Ye tä mike gare, ¿ni raba nuäite kä ngwen nüke jai kukwe tare yebätä ye mikata ñärärä käne Ngöbökwe biti kukwe medenbe nikwe ja tuai ye dianta kwe ni kräke?
