Nitre tä kukwe ngwentari
Apóstol Pablo tikabare Jehová tä juto biare ni dimikakäre (1 Corintios 10:13). Ye tä mike gare, ¿ni raba nuäite kä ngwen nüke jai kukwe tare yebätä ye mikata ñärärä käne Jehovakwe biti kukwe medenbe nikwe ja tuai ye dianta kwe ni kräke?
Kukwe ngwantarita yebätä jän niedre angwane, ¿raba ni töi mike ño? Ani bämike keteiti. Ja mräkä iti ye monsoi ja murie ketani. Ja mräkä ye namani ulire krubäte. Yebätä, dre rabai bare bätätre aune niara bätä muko kwe ye raba kä ngwen nüke jai kukwe yebätä ye namanina gare Jehovai o ñakare ye jatani ngwentari jai. Metrere, kä käme nete ni kwati krubäte ja tuai kukwe tare krubäte ben. Akwa, ¿kukwe medenbe nikwe ja tuai ye gare jökrä känenkri Jehovai ni rabadre nütüre?
Nikwe ja tötikai 1 Corintios 10:13 yebätä angwane, ni raba nuäite kä ngwen nüke jai kukwe tare yebätä ye mikata ñärärä käne Jehovakwe biti kukwe medenbe nikwe ja tuai ye dianta kwe ni kräke ye Biblia ñaka driere rükai gare nie. Ñobätä nita ye niere ye ani mike gare jai kukwe ketabokäbiti.
Kena, Jehovakwe nitre kä tibienbätä ye sribebare kukwe diankäre nuaindre akwle jai. Niara tö ni tuai kukwe den nuaindre akwle jai (Deuteronomio 30:19, 20; Josué 24:15). Kukwe meden tuin kwin Jehovai ye erere nikwe diain nuaindre jai angwane, niarakwe ni jie ngwain yei nikwe tö ngwandre (Proverbios 16:9). Akwa nikwe ñaka kukwe kwin diain nuaindre jai angwane, ye köböite nikwe ja tare nikadi kukwe tare kisete (Gálatas 6:7). Kukwe medenbe nikwe ja tuai ye Jehovakwe diandre käne ni kräke angwane, ¿erametre tä ni tuenmetre kukwe den nuaindre akwle jai ni raba niere?
Ketebukäre, “kukwe ngüba ñaka jire” abokän tä nakainkä yebätä Jehová ñaka tä ni kriemike (Eclesiastés 9:11). Ni iti tädre kä ñaka kwin känti aune ora ñaka kwin te ye köböite raba juruaine tare. Ñodre, nitre 18 yebiti torre nikani tibien ye köböite krütani yebätä Jesukwe blitabare. Nitre ye ñaka krütani Ngöbö köböite mikani gare metre kwe (Lucas 13:1-5). Kukwe tare tä nemen bare ye känenkri, nire rabaite nire o nire krütai ye Jehová tä den käne ni kräke nikwe nütüdre ye ñaka kwin.
Ketamäkäre, nita ja ngwen metre Jehovai ye ni itire itire käkwe bämikadre. Jehová tä dre bien nie ye aibe ütiäre nita mike täte niebare Satanakwe. Aune kukwe tare ben nikwe ja tuai ye ngwane, nikwe ñaka ja ngwain metre Jehovai niebare kwe arato (Job 1:9-11; 2:4; Apocalipsis 12:10). Akwa kukwe ben nita ja tuin ye ruärebätä Jehová ni kriemikadre, akräke Satana kukwe niebare ye metre ni raba nütüre.
Ketabokäkäre, dre dre rabai bare nibätä ja känenkäre ye Jehová tä ja töi mike ñaka mike gare jai. Erametre, dre rabai bare nibätä ja känenkäre ye Jehová tö mikai gare jai angwane, raba mike gare jai (Isaías 46:10). Akwa, kukwe ruäre rabai bare ja känenkäre ye Jehová tä ja töi mike ñaka mike gare jai nieta Bibliakwe (Génesis 18:20, 21; 22:12). ¿Ñobätä? Ñobätä ñan aune niara ye ni tarekä aune kukwe kwin nuainkä bätä ni törbadre dre diain nuaindre akwle jai ye niara tä mike ütiäte jai (Deuteronomio 32:4; 2 Corintios 3:17, TNM).
Akwa, Jehová tä juto biare ni dimikakäre niebare Pablokwe ye ngwane, ¿dre gäräbare kwe? Ye abokän Jehová tä ni dimike ño kukwe tare näire ye gäräbare Pablokwe aune kukwe tare rabai bare nibätä ye känenkri Jehová tä dre nuainne ye ñan ai gäräbare kwe * (nota mikadre ñärärä). Nikwe tö ngwain Jehovai angwane, kukwe meden erere ben nikwe ja tuai yebätä niarakwe ni dimikai kä ngwen nüke jai (Salmo 55:22). Kukwe ketebubätä Jehová tä juto biare ni dimikakäre niebare Pablokwe ye ani mike gare jai.
Kena, Pablo kukwe ye niebare ñobätä ñan aune kukwe meden erere ben nikwe ja tuadre yebe “ni jökrä” tä ja tuin. Ye abokän nita nüne nitre gobrainta Satanakwe ngätäite ye köböite kukwe kri ben nita ja tuin ye meden gärätä. Ni jökrä käkwe ja tuai kukwe kri o tare ben. Akwa nikwe tö ngwain Jehovai angwane, 1 Pedro 5:8, 9). Kukwe ruäre ben nitre israelita ja tuani kä ngwarbe nötare yekänti ye Pablo kädekaninte 1 Corintios 10:13 ye känenkri (1 Corintios 10:6-11). Nitre israelita ruäre tö ngwani Jehovai yekwe kä ngwani nüke jai kukwe tare yebe. Akwa nitre israelita mada käkwe ñaka tö ngwani Jehovai yekwe ñaka Jehová mikani täte aune ñaka ja ngwani metre kwetre ie.
nikwe kä ngwain nüke jai kukwe tare yebätä aune nikwe ja ngwain metre ie (Ketebukäre, Pablo kukwe ye niebare ñobätä ñan aune “Ngöböta ja kukwei mike täte” metre. ¿Ye dre gärätä? Ni Jehová mikaka täte ye käre Jehová tä ngübare ño yebätä nikwe töbikai angwane, niara ye ja ngwen metre nie aune niara tä “nitre [...] tä niara tarere” bätä “nitre tä niara kukwe biani mike täte” ye dimike rükai gare nie (Deuteronomio 7:9). Ne madakäre, Jehová tä dre käbämike ye erere tä mike nemen bare (Josué 23:14). Ye medenbätä kukwe ketebu tädre gare metre nie. Kena, Jehová tä juto biare ni dimikakäre nita ja tuin kukwe tare ben ye ngwane. Aune ketebukäre, nikwe “kwäräbedre ño” ye mikai gare kwe nie.
“Nita ja tare nike bätäkä ngwarbe angwane”, Jehová “tä kä miketa nuäre nibtä”.
Nikwe tö ngwain Jehovai angwane, ¿nikwe “kwäräbedre ño” ye mikai gare ño kwe nie? Erametre Jehová raba ni kriemike kukwe tare ben nita ja tuin ye jökräbätä. Akwa Pablokwe niebare nikwe “kwäräbedre ño” ye Jehovakwe mikai gare nie kä ngwankäre nüke jai kukwe tare yebätä. Ye tä mike gare nie, käre Jehová tä ni dimike ne kwe nikwe ja ngwandre metre ie. Niara tä ni dimike kukwe keta kabrebiti. Ani ruäre mike gare jai.
-
“Nita ja tare nike bätäkä ngwarbe angwane”, Jehová “tä kä miketa nuäre nibtä” (2 Corintios 1:3, 4). Niara raba ni töi aune ni brukwä miketa jäme Biblia, üai deme kwe aune ni klabore ie tö ngwan raba yebiti (Mateo 24:45, TNM; Juan 14:16; Romanos 15:4).
-
Jehová raba ni jie ngwen üai deme kwe yebiti (Juan 14:26). Üai deme Jehovakwe ye raba kukwe kira aune kukwe ja jie ngwankäre Bibliabätä ye ngwen törö nie ni dimikäre kukwe kwin den nuaindre jai.
-
Jehová raba ni dimike angeletre kwe yebiti (Hebreos 1:14).
-
Ja mräkätre aune ja ngwaitre yebiti Jehová raba ni dimike. Niaratre jondron nuaindre ni kräke aune kukwe niedre nie yebiti raba ni dimike (Colosenses 4:11).
Ye medenbätä, ¿1 Corintios 10:13 yekänti Pablo kukwe niebare ye tä dre mike gare nie? Tä mike gare nie, kukwe medenbe nita ja tuin ye Jehová ñaka tä den käne ni kräke. Arato tä mike gare nie, nikwe tö ngwain Jehovai angwane, kukwe meden erere ben nikwe ja tuai yebätä nikwe kä ngwain nüke jai. Jehová käre ni dimikai ne kwe jankunu nikwe ja ngwandre metre ie.
^ párr. 7 “Ni [...] nu[a]te[ta] ja käne” nieta 1 Corintios 10:13 yekänti kukwe griegore yebiti, ye abokän “kukwe tare ben nita ja tuin” ye meden gärätä arato.