KUKWE KWE MIKATA GARE
Ni kukwe ñaka ruin tie akwa tita kukwe metre driere
Kä 1941 yete, kä nämä 12 tibiti ye ngwane tikwe ja ngökaba ñöte. Kukwe metre Bibliabätä ye ñaka rükaba gare tie, akwa kä 1946 ye ngwane batibe rükaba gare tie. ¿Ye rababa bare ño? Kukwe ne rababa bare tibätä.
KÄ 1910 yete, ti rün aune ti meye nikani mento juta Tiflis (Georgia) yete aune kä Pelly (Saskatchewan, Canadá nedrinkri) ye ken kä chi jondron nire ngübakäre yekänti nikani nüne. Kä 1928 yete ti däreba aune nun ni ti jai akwa ti abokän mrä köre. Ti däredre ye känenkri ti rün krütani aune ti nämene ngotrore ye ngwane ti meye krütani. Kä nikani braibe ta yete ti ngwai umbre Lucy, yebiti kä nämene 17 ye ngwane krütani arato. Aisete nun grü Nick käkwe nun ngübaba.
Bati, ti mräkätre ti tuaba mädä nunkwe ye kübara jäke. Krire kä nämä kubu näre tibiti. Mädäkwe ti täkädrete ye jürä rababa krubäte bätätre, aisete tikwe ñaka mädä kübara jäkädre jankunu nieba kwetre ja dibiti tie. Niaratre nämä ti trökri aune kukwe ñaka juruaba tie. Mädäkwe ñaka ti täkäteba, akwa köbö ye ngwane, ni kukwe ñaka ruin tie rababa gare ti mräkätre ie.
Ja ketamuko ti mräkätre yekwe nieba, bäri kwin ti rikadre kwelate monsotre kia mada ie ni kukwe ñaka ruin yebe. Aisete ti grü Nick käkwe ti juanba kwela monsotre ie ni kukwe ñaka ruin kräke yete kä Saskatoon (Saskatchewan) yekänti. Kä jürä nämä krubäte tibätä, ñan ñobätä aune kä nämä kwärike tibiti aune kwela ye nämä nemenkä mente krubäte. Fiesta o kä bian nämä ngwarbe kwelate tie ye aibe ngwane ti nämä nemen basare ti mräkätre ie. Ja känenkäre, blita rababa gare tie kisebiti aune kä jutobiti ti nämä ja denkä monsotre kia mada yebe.
KUKWE METRE BIBLIABÄTÄ RABABA GARE TIE
Ti ngwaitre umbre ye iti kädekata Marion käkwe ja mäkäteba Bill Danylchuck ben kä 1939 yete aune niaratre ti aune ti ngwai Frances ngübaba. Niaratre yekwe ja tötikaba käne nitre testiko Jehovakwe yebe. Kä bian nämä ngwarbe kwelate tie ye ngwane, niaratre nämä ja di ngwen kukwe nämä nemen gare ietre Bibliabätä ye driekäre tie. Niaratre ie blita ñaka nämä gare kisebiti yebätä ñaka nämä nemen nuäre nun kräke blitakäre jabe. Akwa yebiti ta, kukwe nämä nüke gare Jehovabätä tie ye nämä tuin kwin krubäte tie ye rükaba gare ietre. Biblia nämä dre driere ye erere niaratre nämä nuainne ye rükaba gare tie, aisete tikwe ja töi mikaba niken kukwe driere bentre. Kä rikaba braibe ta yete ti törbaba ja ngökai ñöte. Köbö 5 septiembre kä 1941 yete, Bill ti ngökaba ñöte tanque kri yete. ¡Ñö nämä tibo krubäte!
Kä 1946 yete tita gätä kri yebätä kä Cleveland (Ohio) yekänti nitre ie ni kukwe ñaka ruin yebe
Kä 1946 yete ti rükabata gwi ye ngwane, nun janama gätä kri yebätä Cleveland (Ohio, Estados Unidos) yekänti. Köbö kena yete, ti ngwaitre käkwe kukwe kädrie nämä ye tikaba täräbätä ne kwe drebätä blita nämä ye rabadre gare tie. Akwa köbö köböbukäre yete rababa gare tie kukwe kädrie nämä gätä krite ye kwita nämä nitre blite kisebiti kräke ye käi rababa juto krubäte tibätä. Ye ngwane batibe dre kädrie nämä gätä krite aune Biblia tä dre driere ye rükaba gare tie. ¡Rababa tuin kwin krubäte tie!
TIKWE KUKWE METRE DRIEBA NITRE MADAI
Rüba Kri Bobukäre ye krire mikaba krüte aune nitre nämä ja ngwen metre juta kwetre yei ye törbaba bämikai. Akwa, gätä kri ye bitikäre ti rikabata kwelate ye ngwane, ti töi rababa kwatibe ja ngwanbätä metre Jehovai. Aisete ti ñaka rababa bandera saludare, himno nacional kantaire aune fiesta jene jene käi ngwen juto jabätä. Arato ti ñaka rikaba jankunu iglesiate monsotre mada nänkä kwelate tibe yebe. Ye ñaka rababa tuin kwin nitre dirikä kwelate ie, yebätä ti töi mikaba ja dibiti kwetre ja töi kwite aune kukwe ñaka metre mikaba gare kwetre tie ja töi kwitakäre. Dre nämä nemen bare ye jutuaba monsotre nänkä kwelate tibe yei, ye köböire tikwe kukwe drieba ietre. Ja känenkäre niaratre ruäre käkwe kukwe metre ye ka ngäbitiba. Nitre ye ruäre abokän Larry Androsoff, Norman Dittrick y Emil Schneider, niaratre ye täbe Jehová mike täte.
Ti nämä niken juta madate ye ngwane, nitre ie ni kukwe ñaka ruin yei käre ti nämä ja di ngwen kukwe driere. Ñodre, kä Montreal yete nitre ie ni kukwe ñaka ruin nämä ja ükökrö yekänti ti janama. Yete tikwe kukwe drieba Eddie Tager, monso kukwe käme nuainkä ni madabätä yei. Eddie sribiba konkrekasion nitre blite kisebiti kräke yete kä Laval (Quebec) yekänti nememe krütani kä känente ye ngwane. Monso bati kädeka nämene Juan Ardanez ye rababa gare tie arato. Nitre Berea siklo kena ye erere, Juan kukwe känänba krubäte ne kwe kukwebätä nämä ja tötike ye nämä Bibliabätä o ñakare ye mikakäre gare jai (Hechos 17:10, 11, Traducción del Nuevo Mundo de las Santas Escrituras). Niarakwe ja mikaba Testiko aune sribiba kwe ni umbre ji ngwanka konkrekasionte kä Ottawa (Ontario) yekänti nememe krütaba ye ngwane.
Kä 1950 ye näire tita kukwe driere ji ngrabare
Kä 1950 yete, ti rikaba nüne kä Vancouver yekänti. Nitre ie ni kukwe ñaka ruin yei ti nämä kukwe driere ye nämä tuin kwin krubäte tie, akwa tikwe blitaba ji ngrabare meri ie ni kukwe ruin kädekata Chris Spicer ben ye ngwane, kukwe rababa bare tibätä ye ñaka käi rikwitaikä jire tibiti. Niarakwe täräkwata La Atalaya aune ¡Despertad! ye ribeba sö kratire kratire jai aune törbaba muko Gary mikai gare tie. Aisete ti rikaba niara känti gwi aune kukwe tika nämä kwe ti kräke ye köböire nunkwe blitaba raire jabe. Nunkwe ñaka ja tuabata mada, nememe
kä rikaba ruäre ta ye bitikäre gätä kri nuainba Toronto (Ontario) yete niaratre rükaba küde ngökö tie ye ngwane. Köbö ye arabe te Gary jababa ja ngökö ñöte. Kukwe rababa bare yekwe ngwanba törö tie kukwe driedre jankunu ye ütiäte krubäte. Nitre ie nita kukwe driere yekwe ja känenkäre kukwe metre kain ngäbiti o ñakare ye ñaka gare jire nie.Ja känenkäre, ti rükabata nüne kä Saskatoon yekänti. Yete meri iti rababa gare tie, abokän törbaba ti tuai ngängän nibu munkine ie ni kukwe ñaka ruin ye tötike Bibliabätä. Monsotre merire munkine ye kädeka nämä Jean aune Joan Rothenberger. Kwela monsotre ie ni kukwe ñaka ruin tötikakäre känti tikwe ja tötikaba ye arabe känti niaratre nibu nämä ja tötike. Kukwe nämä nemen gare ietre yebätä bengwairebe jataba blite monsotre nänkä kwelate yebe aune monsotre nirike merire yekwe ja mikani Testiko. Monsotre merire ye iti kädeka nämä Eunice Colin. Mrä ti nämä näin kwelate ye ngwane ja rababa gare nunye. Köbö ye näire, jondron mane bianba kwe tie aune nun raba nemen ja ketamukore o ñakare ye ngwantariba kwe tie. Eunice ye rababa ütiäte krubäte ti kräke: niara rababa ti mukore.
Kä 1960 aune kä 1989 yete tita ja ken Eunice ben
Eunice nämä ja tötike Bibliabätä rababa gare meye ie ye ngwane, ribeba kwe ni ji ngwanka kwelate yei, rabadre Eunice töi mike ja tötika Bibliabätä ye tuenmetre. Ni ji ngwanka kwelate yekwe ja di ngwanba nuainne aune tärä tä blite Bibliabätä ye diankaba kwe Eunice yekän, akwa Eunice ja töi mikaba kwatibe ja ngwen metre Jehovai. Eunice törbaba ja ngökai ñöte ye ngwane, rün aune meye nieba ie: “Mäkwe ja mikai testiko Jehovakwe angwane, nunkwe mä juaintari gwi nete”. Aisete Eunice yebiti kä nämä 17 ye ngwane rikaba nüne nitre ja mräkäre Testiko yebe. Niarakwe ja tötikaba jankunu Bibliabätä aune ja ngökaba ñöte kwe. Kä 1960 yete nunkwe ja mäkäteba, akwa Eunice rün aune meye ñaka rükaba köbö yete. Kä rikaba ta ye bitikäre, nun nämä Ngöbö mike täte aune nun nämä monsotre nunkwe ngübare ño yebätä Eunice rün aune meye jataba nun mike ütiäte jai.
JEHOVATA TI NGÜBARE
Ti ngobo Nicholas aune muko kwe Deborah, tä Betel Londres yete
Monso rababa ni kükü nunkwe ye jökrä ie ni kukwe ruin. Niaratre ngübadre ye ñaka rababa nuäre nun kräke. Akwa nunkwe blita kisebiti ye drieba kwin ietre ne kwe nun rabadre blite kwin bentre aune kukwe metre driere ietre. Ja mräkätre aune ja ngwaitre konkrekasionte nun dimikaba krubäte. Ñodre, ni rüne iti käkwe kukwe tikaba mikakäre gare nunye monso nunkwe ye iti nämä ñäke käme Ju Ja Ükarakrö yete. Nunkwe kukwe ye ükateba biarebe yete monso nunkwe yebe. Monsotre tikwe, James, Jerry, Nicholas aune Steven tä sribire ni umbre ji ngwanka konkrekasionte aune tätre gwairebe mräkätre ben Jehová mike täte. Ne madakäre, Nicholas aune muko kwe Deborah, tä sukursal Gran Bretaña yete nitre kukwe kwitaka nitre blite kisebiti kräke ye dimike. Steven aune muko kwe Shannan, tä sukursal Estados Unidos yete kukwe kwite nitre blite kisebiti kräke.
Monsotre tikwe aune muko kwetre tä kukwe jene jene nuainne kukwe driekäre nitre blite kisebiti ie
Sö rababara kratibe nun käne kä rabadre 40 nunbiti ja mäkäninte ye ngwane, Eunice krütaba bren cáncer kisete. Nämä ja tare nike bren ye kisete angwane, nämä tödeke ni gaikröta ie yekwe dimikaba. Köbö te niara gaikröta ye ti tö niena tuai nemen bare ja tuakäreta ben.
Faye aune James, Jerry aune Evelyn, Shannan aune Steven
Sö febrero kä 2012 yete, ti mataba tibien aune ti mrökara rötabätäba tie. Ni mada ti dimikadre ye ti rabai ribere jai rükaba gare tie, Salmo 10:14). Nitre jökrä nämä juto biare kukwe tikakäre täräbätä ti kräke, ja kitaba kwetre blite kisebiti aune ja di ngwanba kwetre kukwe kwite kisebiti ti kräke yei tita debe bien krubäte.
aisete ti rikaba nüne ti ngobo iti aune muko ben. Konkrekasion nitre blite kisebiti kräke yete nunta ja ükökrö kä Calgary (Alberta) yekänti, yete tita sribire ni umbre ji ngwanka konkrekasionte. Metrere tita krire kena konkrekasion nitre blite kisebiti kräke yete. Akwa, kä kwati krubäte te ti nämä konkrekasion nitre blite inglere kräke yete ye ngwane, ¿ñokänti tikwe ja ketaba jankunu Jehovabe? Jehovakwe ti dimikaba. Niarakwe ni uli ngübai käbämikani kwe ye erere ti ngübaba kwe (Kä nämä 79 tibiti ye ngwane, kwela nuainba nitre prekursor blite kisebiti kräke yete ti nämä
Ruäre ngwane ti nämä nemen rubun ja kräke aune ti törbaba ja ngwain di nekä, ñan ñobätä aune dre nie nämä ye ñaka nämä nüke gare tie o nitre ie ni kukwe ñaka ruin ye dimikadre ño nitre madakwe ye ñaka nämä gare ietre rababa ruin tie. Ye ngwane, Pedro kukwe niebare Jesús ie nebätä ti nämä nemen töbike: “Ti Dänkien, ma kukwei abko kukwe ni mikakrä nire kärekäre [...] ¿Se abko nun rikadre nireye mda se?” (Juan 6:66-68). Nitre kristiano kwati ie ni kukwe ñaka ruin abokän niena kä kwati krubäte te Jehová mike täte ye erere, kukwe ngübadre bätärekä aune tö ngwandre Jehovai bätä juta kwe yei namani gare tie. Yekwe ti dimikanina krubäte. Kä nengwane tärä aune täräkwata keta kabre niena ti kukweibiti bätä kukwe kädrieta konkrekasionte aune gätä krikri nuainta nun blite kisebiti kräke ye jökrä nüke gare tie. Erametre, tita Jehová Ngöbö kri nikwe mike täte ye köböire, tita nüne kä jutobiti aune kukwe kwin keta kabre tä nemen bare ti kräke.