NI MIKAKA MOKRE (TÄRÄKWATA JA TÖTIKARA) Octubre 2016
Kukwebätä ja tötikai 28 noviembre nemen 25 diciembre 2016.
Nitre menteni kadre ngäbiti kwin ye nikwe ñaka käi kwitadrekä jabiti
¿Jehovata nitre menteni ye mike tuin ño jai? ¿Nikwe dre nuaindre ne kwe ja rabadre ruin kwin nitre menteni ie konkrekasionte?
Munta konkrekasion blite kukwe madabiti dimike angwane, munkwe ja ngübabiti kukwe ja üairebiti
Ni kristiano ye jökrä kräke, ja ngübadre kukwe ja üairebiti aune rabadre mräkätre ngübare kukwe ja üairebiti ye rabadre bäri ütiäte. Mätä konkrekasion blite kukwe madabiti dimike angwane, kukwe ruäre ben mäkwe ja tuai.
Nita jondron ngübare ngäbiti yei nikwe tödekadre bäri
Nitre kirabe aune nitre kä nengwane kwati krubäte käkwe tödekabarera ye erere nikwe tödekadre. ¿Nikwe dre nuaindre tödekakäre bäri?
Jehovata kukwe käbämike yei nikwe tödekadre
¿Tödeka ye abokän dre? Aune bäri ütiäte, ¿nita bämike ño?
KUKWE KWE MIKATA GARE
Tita ja di ngwen ja ngwankäre nitre kukwe kwin bämikani ti käne ye erere
Nitre kristiano niena ünä kukwe ja üarebiti tä nitre mada töi mike sribi kwin den nuaindre jai aune mike nemen bare. Nitre mada kukwe kwin bämikani ño Thomas McLain käne aune niara tä ja di ngwen ño nitre mada dimikakäre ye tä mike gare.
¿Ne gare mäi?
Kirabe sete, ¿erametre nitre nämene nura käme nökö tire nitre madakwe yete?
