Nitre tä kukwe ngwentari

¿Ñobätä Biblia tä niere: “Ni ja ngwen metre Jehovai tä krüte ye ütiäte niara okwäkänti”?

▪ Jehová tä ja nire nitre jökrä kwe mike ütiäte krubäte jai aune nitre niara mikaka täte metre itire itire ye arato. Akwa, kukwe nieta Salmo 116:15 yebätä, ye ñaka tä blite ni krüte aibebätä ñakare aune tä kukwe bäri ütiäte mike gare.

Kukwe kädriedre ni krütani kräke ye ngwane, kukwe nieta bersikulo nekänti ye namani bare niara kräke ye nie ñaka raba jire, ni kristiano Jehová mikaka täte metre krütani akwa nie ñaka raba kräke. ¿Ñobätä? Ñobätä ñan aune yebiti kukwe bäri ütiäte mikata gare metrere. Salmista kukwe niebare ye tä mike gare, nitre jökrä Jehová mikaka täte metre ye krütadre angwane, rabadre tare krubäte niara kräke aune ñaka raba tuenmetre nemen bare (Sal. 72:14 aune 116:8 mikadre ñärärä).

Salmo 116:15 tä mike gare metre, Ngöbö ñaka nitre mada tuainmetre jire nitre niara mikaka täte ye gainte gwairebe. Ye erere, kukwe nemen bare nibätä kä nengwane ye tä mike gare metre. Nitre tä ja mike niaratre rüere aune tä nuainne tare, yebätä tätre kä ngwen nüke jai ye kätä mike gare Ngöböta niaratre kriemike ne kwe niaratre ñaka gadrete täte.

Jehová ye dite krubäte, aune niara tö dre dre nuain ye erere rabai bare täte. Ye medenbätä ñaka nitre tuainmetre jire kwe nitre niara mikaka täte ye gainte täte. Niara ñaka ye erere akräke, nitre niara rüe rabadre bäri dite niara kräke, akwa ye ñaka metre. Ye erere akräke, Ngöbö tö nitre niara mikaka täte metre aibe tuai nüne Kä tibienbätä ye ñaka rabadre bare (Isa. 45:18; 55:10, 11). Templo kri ja üaire tä kä tibienbätä yete ni ñaka rabadrera jire Jehová mikakäre täte aune sribi ütiäte niarakwe ye nuainkäre Kä tibienbätä. Ne madakäre, nitre ñaka rabadrera “kä tibien mrä” ye mikakäre nemen bare, ye abokän nitre kukwe kwin nuainkä aibe rabadrera nüne kä tibienbätä, abokänbiti “kä kwin mrä” rabadre gobrane gärätä (Apoc. 21:1, NGT). Nitre ñaka tädre nünankäre akräke, Kristo Gobrandi Kä Mil te ye ñaka rabadre bare metre (Apoc. 20:4, 5). ¡Kukwe kädrite ne erere ñaka rabai bare jire!

Ne madakäre, Jehovakwe nitre niara rüere ye tuanemetre juta kwe tä Kä tibienbätä ye gainte täte akräke, niara tä gobrane aune kukwe nieta niarabätä ye metre o ñakare ye ñaka rabadre gare jire. Niara Gobranka Kri Kä jökräbiti tibien ye ñaka kädriedre kwin. Niara ja mikadre ütiäte aune niara kä ye rabadre deme yekäre niara ñaka tuenmetre nemen bare. Aune ani töbike kukwe nebätä: Ngöbö “ñaka kukwe käme nuainne jire chi”, ye medenbätä gare metre nie niarakwe nitre niara mikaka täte ye jökrä kriemikai gwairebe (Deu. 32:4; Gén. 18:25). Biblia tä mike gare: “Jehová ñaka juta kwe tuainmetre jire, niara kä ütiäte yebätä” (1 Sam. 12:22). Erametre, “Jehová juta kwe ye kriemikai aune ñaka tuainmetre jire kaibe kwe” (Sal. 94:14).

¡Juta Ngöbökwe ye tädi käre Kä tibienbätä gare metre nie, ye tä ni dimike krubäte! Ye medenbätä, käre ni rabadre ja ngwen metre Jehovai aune nikwe tö ngwandre jondron käbämikata kwe yei: “Jondron keta kabre rükäre yebiti ja mikai mä rüere, akwa kukwe tare ñaka nuaindi mäbätä, aune nitre kukwe keta kabre niedi mä rüere ye mikadi ja ngie nuin. Jondron ne tä rabadre nitre Jehová mikaka täte yekwe aune tikwe kukwe metre ye nuaindi mä kräke” (Isa. 54:17).

[Kukwe nieta página 22]

Ngöbökwe ñaka juta kwe tuainmetre gadrete jire