¿Törö mäi?

¿Täräkwata Ni Mikaka Mokre sribeta mrä mrä jatäri yebätä mäkwe ñäkäbarera? Ye erere ngwane mä raba kukwe ngwantarita ne mike gare metre:

¿Sansón dokwä druen ye köböire niara nämene dite?

Sansón die ñaka nämene dokwä druen ye köböire, ñakare aune niara nämene ja mäke kwin Jehovabe ni nazareo kwrere ye köböire. Dalila käkwe niara dokwä druen tikakamana ye ngwane nämene ja mäke kwin Ngöböbe ye erere ñaka namanina nuainne (15/4, página 9).

¿Kukwe meden ketamäbiti ja brukwä üaire ngübadrebiti?

1) Mrödre. Mrödre kwin ne kwe ni brukwä metre ye tädre kwin, ye erere arato ni kristiano rabadre mrö ja üaire kwin ye kwete ere. 2) Ejercicio nuaindre. Ni kristiano jökrä käkwe kukwe driedre bäri, ye köböire brukwä üaire kwe ye tädi kwin. 3) Ñaka töbikadre krubäte. Ja mräkätre kukwebätä töita krubäte nibätä aune tä Jehová mike täte brukwä tätebiti yebe nikwe ja ketadre ne kwe ñaka töbikadre krubäte (15/4, página 16).

¿Ñongwane Jehovakwe arka sribe manabare Noeye?

Kukwe tikabare yebiti ni raba mike gare arka sribedre niebare ie ye ngwane ngäbriäntre namanina umbre aune mukobe. Jehová niebare ie: “Ma ngäbriänkätre, ma jüdekäntre btä meri makwe, ye abko näin mabe rute. Abti tikwe ja kukwei ütiäte ükadite mabe” (Gén. 6:9-18, JK). Ye medenbätä, Noekwe arka sribedre niebare ie ye ngwane kä namani gre ketebu o gre ketebu biti kwäjätä ne kwe Ñü Kri ye räkändre tibien (15/4, página 23).

¿Kukwe kädriedre ni krütani kräke ye ngwane ñobätä ni kukwe kädriekä ñaka rabadre niere Salmo 116:15 ye namani bare ni krütani yebätä?

Texto ye tä niere: “Ni ja ngwen metre Jehovai tä krüte ye ütiäte niara okwäkänti”. Kukwe ye tä mike gare, nitre jökrä Jehová mikaka täte metre ye krütadre angwane, rabadre tare krubäte niara kräke aune ñaka raba tuenmetre nemen bare. Ngöbö ñaka nitre mada tuainmetre jire nitre niara mikaka täte ye gainte gwairebe (15/5, página 22).

¿Nire nire nämene sribi colportores nuainne?

Kä 1931 ye känenkri nitre prekursor ye kädeka nämene “colportores” (15/5, página 31).

¿Ñobätä nitre kristiano ruäre täbe kaibe?

Ruäre ngwane nitre jökrä bäsi töita ja mikabätä gure, akwa nitre Ngöbö mikaka täte ye ruäre tä kaibe, ñobätä ñan aune muko kwin niara kräke aune Ngöbö kräke ye ñaka kwen ietre. Nitre mada abokän ñaka tö ja mikai gure aune ye köböire tätre sribi Jehovakwe nuainne bäri aune töi ñaka kukwe mada jiebiti nitre gure ye erere (15/5, página 7).

¿Daniel 2:44 yekänti “gobrantre [...] jökrä” nieta ye abokän gobran meden meden?

Ni nire üai kri sribebare jä keta kabrebiti mikani tuare köböre yebiti dre bämika nämene ye mikani gare Daniel ie. Gobrantre bämikani ni nire üai kri sribebare ye ngrabare ketare ketare yebiti (15/6, página 17).

¿Ñongwane Gran Bretaña aune Estados Unidos ye namani juta keta kükükäre bäri dite niebare Bibliabätä ye erere?

Rü nuainbare kena yete, Gran Bretaña aune Estados Unidos juta bäri dite ye käkwe ja mäkäbare bäri kwin rükäre gobrantre mada rüere ye ngwane namani (15/6, página 19).

¿Kukwe meden meden rakaikä abokänbätä rü Armagedón nuaindi?

Nitre ji ngwanka käne juta krikri te niedi kwetre “matare kukwe ñakare. Nita nüne kuin jäme” (1 Tes. 5:3). Gobrantre käkwe ja mikai iglesia keta kabre ngwarbe mikata täte kä jökräbiti tibien ye rüere (Apoc. 17:15-18). Rü gaikä nitre Jehová mikaka täte ye rüere. Ye bitikäre kä krütai (1/7, página 9).

¿Nire nire tä blite kukwe náhuatl yebiti, aune dre nuainta kä nengwane dimikakäre?

Nitre aztecas kirabe nämene blite kukwe yebiti, aune kä nengwane kä México yekänti nitre millón krati biti ötare tä blite kukwe yebiti. Nitre testiko Jehovakwe tä kukwe driere aune tärä sribere nitre náhuatl kukwei yebiti (1/7, páginas 13 bätä 14).