Tätre Biblia ye metete angwane tärä meden tä kwen kena ietre yebätä tätre ñäke aune ye käkwe niaratre jie ngwain tätre niere. Nitre kristiano metre ñaka rabadre kukwe ngwarbe känene, ñakare aune rabadre ja tötike Bibliabätä kukwe metre mikakäre gare jai, rabadre ja tuenmetre jie ngwandre Ngöböi (15/12, página 3).

Ye abokän nitre ñaka Ngöbö tö dre dre ie erere nuainne gärätä (1 Juan 2:17). Kä tibien aune nitre ja mikaka täte metre tädi jankunu (1/1, página 5 nemen 7).

Niara nämene tödeke. Niarakwe tödekabare ño ye ni raba mike gare jai aune ja di ngwen nuainne erere arato. Kä nengwane ni raba ja ngwen niara erere (1/1, página 12).

Kädekateta jatäri: sribibätä, kä ngwan juto jabätä, ja keta ni mräkätre kitaninkä kukwebätä ben, tecnología, ja tua töta nemen kwin, töbikadre krubäte ngwian yebätä, aune nita töbike ño o jondron meden meden kwin tä nikwe ye nemen bäri ütiäte ni kräke (15/1, página 12 nemen 21).

Ñaka namani bike bäri kri nitre madabätä, ñakare aune tö ngwani kwe Ngöböi. Ni töi o ni kädekadre ji ngwankäre ye ngwane, ni ñaka rabadre bike bäri kri nitre madabätä; ñakare aune tö ngwandre Jehovai (Prov. 3:5, 6) (1/2, página 5).

Nitre 144.000 nünain kä kwinbiti. Akwa, nitre jökrä bäsi, ye gaikröta nünankäre kärekäre Kä tibienbätä (1/3, página 6).

Niaratre namani ja brukwä mike ribi, aisete kukwe nämene niaratre brukwä mike ribi ye rabadre denkä: töi, kukwe tuin käme Ngöböi ye rabadre denkä täte mento (Jer. 5:23, 24) (15/3, página 9 bätä 10).

Töi nämene kukwe ütiäte nuain ja nire kwe yebiti: sribi Ngöbökwe ye nuainne. Nämene Rün tarere ja brukwä tätebiti. Ye medenbätä, nämene gare metre ie, Rün nämene tarere aune kain ngäbiti. Kukwe ye ütiäte nünankäre kwin (1/4, página 4 bätä 5).

Nitre Braibe Konkrekasion jökrä Ngübabitikä, Nitre ji ngwanka Sukursalte, nitre ni tuabitikä, nitre umbre, nitre konkrekasionte aune nitre Testiko itire itire (15/4, página 29).

Nitre kukwe käme nuainkä tä krüte ye käi ñaka nemen juto Jehovabätä (Ezeq. 33:11). Kukwe nuainbare kirabe kwe yebiti tä mike gare niara jämi nitre ngwen ja ngie nuin ye känenkri tä ja tarebiti nitre mike mokre. Ne kätä mike gare Ngöbökwe nitre mikai ja ngie nuin ye ngwane ni raba nemente nire kä ja känenkäre yete, ie ni raba tö ngwen (1/5, página 5 bätä 6).

Ñakare. Juta mada nämene ye nuainne, akwa nitre Israel ñaka nämene nuainne. Kukwe Hebreore tika nämene ye ngwane nie raba nitre käme täkä nämene nememe murie ketakäre (Lev. 20:2, 27). Ye bitikäre, jäkä nämene kribätä aune ye nämene nitre Israel töi mike ñaka ja mike ngite (15/5, página 13).

Ni kä tibienbätä kukwe keta kabre kwin nuainbarera, akwa ñaka ni sribebare ja jie ngwankäre akwle (Jer. 10:23). Satana tä kä ne gobraine. Yebätä ni kä tibienbätä ñaka nüne jäme (1 Juan 5:19) (1/6, página 16).