NI MIKAKA MOKRE (TÄRÄKWATA JA TÖTIKARA) Septiembre 2014
Kukwe ja tötikara tä täräkwata nebätä yebätä ja tötikai 27 octubre nemen 30 noviembre 2014.
¿Mä “tö ja tuai” sribire?
¿Nuaindre ño bäri kwin?
¿Ñokänti gare mäi kukwe metre ye kwani mäi?
Kukwe ja tötikara ne tä blite kukwe keta kabrebätä abokän köböire nüke gare nitre kwati ie nitre testiko Jehovakwe yei kukwe metre kwani. Arato kukwe mada mikai gare jai abokän köböire nüke gare niaratre ye arabe ie kukwe metre ye tä kwetre
Mäkwe Ngöbö mika täte metre “ja tare ni[ka]” yebiti ta
Nita nüne kä Satanakwe nete, aisete ni jökrä tä ja tare nike kukwe keta kabre kisete. ¿Kukwe medenbiti Satana tä ja mike ni rüere? ¿Ni raba ja mike ño juto?
Nitre rüne, munkwe monsotre ngüba obeja erere
Nitre rüne rabadre monsotre “töi ük[e]te aune tötik[e] jankunu Jehová kukwei yebiti”, sribi ye mikani niaratre kisete (Efesios 6:4, TNM). Nitre rüne raba kukwe ketamä nuainne monsotre kwe ngübakäre aune dimike Jehová tarere ye kädrieta kukwe ja tötikara nete.
Nitre tä kukwe ngwentari
¿David kukwe niebare tä Salmo 37:25 aune Jesukwe kukwe niebare Mateo 6:33 yekänti, ye tä mike gare Jehová ñaka ni kristiano tuainmetre mrö täi nike jire?
Gata, ni rüe mrä ye diainkä
Gata tä ni mike ja tare nike krubäte. ¿Ñobätä nita krüte? ¿Gata ni “rüe mrä” ye diainkä ño? (1 Corintios 15:26.) Kukwe ngwantarita ne tä mike gare Jehová kukwe ükatekä metre, töbätä aune ni tarere ye mike gare jai.
Nitre sribikä köbö täte Ngöbö kräke ye ngwandre törö jai
Ja mräkätre kwati tä sribire ja dibiti köbö täte Ngöbö kräke. ¿Niaratre tä “tödeke kwatibe Ngöböbti abtä [tä] sribi kuin nuene ni mda mdakrä abko käre tä nüke töre n[i]e” ye ni raba bämike ño ietre? (1 Tesalonicenses 1:3.)
