Kukwe kwin tärä ie tö ngwan raba

“Kä krüte yete kukwe tare krubäte jatai nakainkä aune ñaka rabai nuäre kä ngwankrä nüke jai” (2 TIMOTEO 3:1).

¿MÄ TÄRÄ kukwe tare ne tuin nakainkä o kädrie tärä mä olote?

● Bren tare köböite nitre kwati tä krärä nekete

● Nitre kwati tä krüte mrö miare

● Dobo kri köböite nitre kwati tä krüte, nitre mada abokän kän ju nikani ngwarbe

Kukwe kädrite käne ye tä nemen bare ño käbiti tibien ye mikai gare nie täräkwata nebätä. Kukwe ne rabai nakainkä “kä krüte yete” niebare Bibliabätä ye rabai gare akwle mäi.

Kukwe tare nakainkä krubäte ye gare ni jökrä ie, ¿ñan ererea? Kukwe ye rabadre tuin era mäi ye ñan ai kräke kukwe mikai gare jatäri nete, ñakare aune mä rabadre tö ngwen kukwe kwin ie yekäre kukwe mikai gare. Profecía keta ti tä nemen bare kä nengwane ye tä mike gare “kä krüte” ye kebera niken ta, akwa nitre kwati ñaka kukwe ye mike era jai. Ñobätä ñan mike era jai ye rabai gare mäi aune dre tä mike gare ja känenkäre nikwe nünain bäri kwin ye rabai mäi arato.