Profecía 1. Dobo kri

“Dobo rabadi nakaenkä kri krübäte” (LUCAS 21:11).

● Dobo kri nakaninkä kä Haití yekänti ngwane, nitre noticia mikaka gare televisionte nämäne yete ye ie monso chi Winnie kä kwati biti ötare närebiti ye ngetrakwe jerabare ietre ju ngidianinte ye täni. Monso chi ye namaninte kwäre dobo kri yebätä, akwa rün aune meye ñaka namaninte kwäre.

¿KUKWE NAKANINANKA TÄ DRE MIKE GARE? Enero 2010 ye ngwane, dobo kri nakaninkä Haití ye käkwe nitre 300,000 biti bäri murie ketani aune 1,300,000 abokän ju kwetre ye ngidianinte drekebe ngwarbe. Kukwe tare krubäte namani bare dobo kri ye näire, akwa ye ñan aibe namani bare. abril 2009 nememe abril 2010 ye ngwane, dobo krikri nakaninkä 18 näre jire.

KUKWE NIETA BIBLIA RÜERE. Nengwane dobo ñaka mata nüke jabitibe nämäne nemen bare mekerabe ye erere. Dobo nakainkä bäri nengwane ruin nie, ñobätä ñan aune tecnología köböire kukwe nemen gare bäri nie.

¿KUKWE NIETA YE METRE? Töbike kukwe nebätä: dobo krikri rakaikä bäbe kä krüte ne näire ye ñan ai Biblia tä mike gare, ñakare aune “dobo rabadi nakaenkä kri krübäte” “kä ketareketare temen kwäräkwärä” ye mika tö gare. Ye käkwe mikai gare metre nie nita nüne kä krüte näire (Marcos 13:8; Lucas 21:11).

¿KUKWE NE TUIN ÑO MÄI? ¿Dobo krikri rakaikä nieta Bibliakwe ye erere nemen bare?

Dobo krikri nakainkä ye ñan aibe tä mike gare nita nüne kä krüte näire. Ani profecía mada mike gare jai.

[Kukwe mikata gare braibe]

Dobo krikri käkwe nitre ngwanina ja tare nike krubäte

[Üai kite nirekri]

© William Daniels/Panos Pictures