Profecía 4. Ni ja mräkäre ñaka ja tarere
Profecía 4. Ni ja mräkäre ñaka ja tarere
“Ni kwati ñan rabadi ni mda mda tarere jire chi” aune mräkä tarere (2 TIMOTEO 3:1-3).
● Kä Gales mötörikri yekänti, asociación nitre nuainta tare kriemikaka yebe Chris tä sribire. Niara tä niere: “Bati, meri iti metani krubäte yebätä ñan rükabata gare tie ye rükaba nete. Meritre mada mikata tuin ngwarbe jai ye tä kite nun känti ngwane, ngwanta ja tare nike krubäte yebätä ñan ngwäre gainkä kwin”.
¿KUKWE NAKÄNINANKA TÄ DRE MIKE GARE? Kä África yete, meritre kwati nämäne kia ngwane, küdrebare bätätre. Kä ye arabe känti encuesta nuainbare käkwe mikani gare, nitre brare käkwe muko metadre ye ñaka tuin käme niaratre kwati ie. Akwa meritre ñan aibe ngwanta ja tare nike, ñakare aune juta Canadá yete, nitre brare kwati ye muko tä mike ngwarbe ja kisete arato.
KUKWE NIETA BIBLIA RÜERE. Käre nitre tä mräkä kwe ngwen ja tare nike, akwa nengwane gata bäri.
¿KUKWE NIETA YE METRE? Nitre tä mräkä kwe ngwen ja tare nike ye gata bäri nengwane yebrä metre. ¿Akwa ye köböire nitre ngwan ñan niena ja tare nike? Ñakare. Kä nengwane, nitre ja mräkäre ñaka niena ja tarere bäri.
¿KUKWE NE TUIN ÑO MÄI? ¿Kukwe nieta 2 Timoteo 3:1-3 ye niena nemen bare? ¿Nitre kwati ñaka tä mräkä kwe tarere ruin mäi?
Profecía ketarikekäre ye nibira nemen bare kä tibienbiti. Biblia tä dre niere ye ani mike gare jai.
[Kukwe mikata gare braibe]
“Nitre tä ja tare nike mräkä kisete ye käme, akwa mika ñaka gare krubäte policía ie. Meri iti jämi ja driere policía ie ye känenkri brare kwe tä ngwen ja tare nike bä kabre”. (PORTAVOZ DEL SERVICIO DE AYUDA CONTRA EL MALTRATO DOMÉSTICO DE GALES)