‘¡Nikwe ja brukwä ye kriemikadre!’
‘¡Nikwe ja brukwä ye kriemikadre!’
Gätä kri köbömä nitre testiko Jehovakwe kwe
TEXTO DIANINKÄ VIERNES KRÄKE
“Jehová abokän tä ni brukwä ye mike ñärärä” (1 SAMUEL 16:7)
TEXTO DIANINKÄ SÁBADO KRÄKE
“Ni [brukwä NM] ño [...], ye kwrere nita blite” (MATEO 12:34)
TEXTO DIANINKÄ DOMINGO KRÄKE
“Mäkwe [Jehová] mika täte ja brukwä tätebiti” (1 CRÓNICAS 28:9)
Ni brukwä ye kädekateta bäsi mil näre Bibliabätä. Biblia tä ni brukwä niere angwane ñan tä blite ni brukwä metrere yebätä, ñakare aune ni brukwä yebiti tä kukwe bämike. ¿Ni brukwä bämikata ye dre gärätä? Dreta ni töite, ja ruin ño nie aune dre ie ni töta nemen ye meden bämikata ni brukwä yebätä.
¿Ñobätä nikwe ja brukwä ye kriemikadre? Ngöbökwe rei Salomón töi mikani kukwe ne tike: “Jondron mada ngübadrebiti ye jökräbiti ta, mäkwe ja brukwä ye kriemika, ñobätä ñan aune yete ja nire tä” (Proverbios 4:23). Nikwe ja brukwä ngübadrebiti nünankäre kwin kä nengwane aune kä ja känenkäre yete. Dreta ni brukwäte ye gare kwin Ngöböi (1 Samuel 16:7). Ye medenbätä, dreta ni “brukwäte” ye ererebätä Ngöböta ni mike tuin jai (1 Pedro 3:4).
Ye medenbätä, ¿ni raba ja brukwä kriemike ño? Sö nebätä ja känenkäre kä jökräbiti tibien nitre testiko Jehovakwe käkwe gätä kri nuaindi yete kukwe ye mikai gare. Gätä kri ye nuaindi köbö köbömä te aune nunta mä nübaire gätä yebätä. * Mäkwe dre nuaindre ne kwe mäkwe kä mikadre juto Jehová brukwäbätä ye rabai gare mäi (Proverbios 27:11).
[Notas]
^ párr. 11 Kä medenkänti gätä ye nuaindi ye mikata gare Internet www.pr418.com yete. Arato, nitre testiko Jehovakwe nünanka mä käibiti o nitre täräkwata ne sribekä yebe mä raba blite.
[Jondron metre üai bämikani página 32]
Jondron üai kise ruinkri: Aus dem Fundus der MÜNCHNER OLYMPIAPARK GMBH (Múnich)
