KUKWE TÄRÄ KWATABÄTÄ: MOISÉS YE ERERE NIKWE JA NGWANDRE
¿Nire abokän Moisés?
¿Moisés kädekateta mä olote ye ngwane mätä bämike ño ja töite?
-
Monso chi mikani kutuäte meyekwe aune mikani kwe ño Nilo yete.
-
Monso bati ngübabare Egipto Faraón ngängän yekwe jondron ütiäte krubäte ngätäite, akwa niara abokän Israel ye ñaka käi kwitaninkä jabiti kwe.
-
Niara obeja ngübabare kä Madián känti kä gre ketebu te.
-
Niara blitabare Jehovabe * kri jutra ngitiekä ye ken.
-
Niara namani rei Egipto ngwärekri, nitre Israel nämene klabore ye mikadre kwäre ribebare kwe ie.
-
Niara kukwe tare Keta Jätä mikani gare Faraón töi käme yei.
-
Nitre Israel kwati käkwe kä mikaninkä Egipto ye ngwane niarakwe jie ngwani.
-
Ngöbökwe niara mikani Mren Tain ñäkebiti.
-
Niarakwe Kukwe Keta Jätä biani Ngöbö käbiti nitre Israel yei.
JONDRON ye aune mada jökrä namani bare Moisés okwäbiti. Ye medenbätä nitre kristiano, judíos aune musulmanes tä niara mike ütiäte jai.
Erametre, Moisés ni Ngöbö kukwe niekä käkwe jondron ñan tuabare nuainbare (Deuteronomio 34:10-12). Niara abokän ni kä tibienbätä ye erere akwa Ngöbökwe niara mikani jondron ye nuainne. “Niara abko [töi] ni mda mda kwrere”, ni Ngöbö kukwei niekä Elías ye erere, abokän niarakwe tuani ja ken köböre Jesús nämene kä tibienbätä ye näire (Santiago 5:17; Mateo 17:1-9). Kukwe kri ben nita ja tuin ye erere ben Moisés ja tuani arato, aune ja di ngwani kwe ye köböire kukwe kwin namani kwe.
¿Ñokänti kukwe kwin ye namani kwe ye mä törba mikai gare jai? Niara töi kwin ketamä aune ño ni raba ja töi mike niara erere ye ani mike gare jai.
^ párr. 7 Biblia tä niere, Jehová ye abokän Ngöbö kä.
