Kä 33 yete Jesukristo jämi niken kä kwinbiti ye känenkri, niara rükaita käbämikani kwe. Ni iti ütiäte nikani kä madakänti aune kä nikani raire ta ye bitikäre nükaninta gobrankäre ye erere niara niebare kwe. Yebätä Kristo nükaninta ni kä tibienbätä gobrainkäre kwin. (Mäkwe ñäkä Lucas 19:11, 12 yebätä.)

¿Kristo nükaninta ño? Niara ganinkröta üaire (1 Pedro 3:18). Nikaninta kä kwinbiti aune namani täkäni Jehová küde ruinkri (Salmo 110:1). Ye bitikäre Jehová, “Ni Umbre Nünanka Kärekäre” ja di biani ie ni kä tibienbätä gobrainkäre. Yebätä Jesús ñaka nükaninta ni erere, ñakare aune rei üaire erere. (Mäkwe ñäkä Daniel 7:13, 14 yebätä.)

Jesús jataita angeletre ben kukwe ükatekäre ni kä tibienbätä ben. Nitre käme gaite kwe, akwa nitre ja mikai niarakri ye mikai nüne kärekäre kwe. (Mäkwe ñäkä Mateo 25:31-33, 46, Ngöbö Täräe, yebätä.)

Ne madakäre, Kä tibien kwitai bä nuäre kwe aune nitre krütani ye mikaita nire kwe nünankäre kä yekänti. (Mäkwe ñäkä Lucas 23:42, 43 yebätä.)