Jesús ja nire biandi murie ketadre ye nitre ja tötikaka kwe käkwe ngwandreta törö jai niebare kwe ietre niara murie keta jämi ye känenkri deu. Ban ñaka mritani levadurabe aune vino tain nämene mesabiti yebiti Däkien Jesús Mrö Biani Deu nieta ye ükaninte kwe. Biti niebare kwe ietre: “Ne nuain munkwe ti mikakäre törö jai käre” (Lucas 22:19, NGT).

Nun testiko Jehovakwe tä gätä nuainne Jesús ja biani murie ketadre ye ngwankäreta törö jai kä kwatire kwatire te. Kä nete nunkwe nuaindi lune 14 abril yete, Ñänä näin nekä ye bitikäre.

Nunta mä nübaire gätä yebätä, Jesukwe ja nire biani murie ketadre ye ñobätä ütiäte ye mikai gare kwin gätä yete. Ñaka ngwian käräi. Ora nuäi aune kä medenkänti gätä ye nuaindi ye mä törba gai angwane, nire käkwe täräkwata ne biani mäi yei mäkwe ngwantari o mäkwe mika ñärärä Internet käi jw.org yekänti. Köbö medente rabai bare ye mäkwe tika jai ne kwe ñaka käi rikwitadrekä mäbiti. Nunkwe mä ngübai nüke siba.