¿Mätä orare käre? Nitre kwati tärä nuainne, nitre ruäre kräke Ngöbö ñaka ye tä orare arato. ¿Ñobätä tätre nuainne? Kukwe ngwanintari nitre Francia yei angwane, namani gare nitre ye kwati tätre ruäre ngwane orare o töbiketari “jerekäbe ja rabadre ruin kwin ietre yekäre”. Nitre kwati Europa ye erere, niaratre tä orare ñaka blitakäre Ngöböbe, ñakare aune “ja rabadre ruin kwin ietre yekäre tätre nuainne”. Ye erere arato, nitre ruäre tätre Ngöbö mike era jai, akwa kukwe tä nemen kisete ye aibe ngwane tätre orare Ngöböi, aune dre ribeta kwetre ye Ngöbökwe bengwairebe dimikadrebätä ie niaratre töta nemen (Isaías 26:16).

¿Mä abokän tä nuainne ñokäre? ¿Orasion nuaindre ye jerekäbe töbikakäre kwin raba ruin mäi? Mätä Ngöbö mike era jai angwane, ¿orasion nuainta mäkwe yebätä Ngöbö tä mä dimike, o ñaka mä kukwe nuin raba ruin mäi? Bibliakwe mikai nüke gare mäi, mäkwe orasion nuaindre ye ñaka ja rabadre ruin kwin mäi yekäre, ñakare aune mä dimikakäre nökrö Ngöbö kokwäre.