Ngöbö tö ni tuai blite käre jabe aune kukwe meden tä ni töi nike ye nikwe niedre ie yei tö arato (Lucas 18:1-7). Ni ütiäte kräke yebätä tä ni kukwe nuin. Ni Rün kä kwinbiti tä ni nübaire töi kwinbiti blite jabe. ¿Mä törba blitai ben? (Mäkwe ñäkä Filipenses 4:6 yebätä.)

Orasion nuainta ye ñaka ja di aibe käräkäre, ñakare aune rökrakäre Ngöbö ken (Salmo 8: 3, 4). Ja ruin ño nie ye nikwe niei batire batire ie ye ngwane ni rabai ja kete bäri kwin ben. (Mäkwe ñäkä Santiago 4:8 yebätä.)

Ngöbö ñaka tö ni tuai blite kukwe krikribiti jabe aune ñaka tö ni tuai kukwe gare töbiti nie ye aibe niere käre. Nikwe nünandrekä ño orasion nuainkäre ye ñaka niere nie. Nikwe oradre ja brukwä ngöibiti ie yei niara tö (Mateo 6:7). Ñodre, nitre Israel näire, Ana ie kukwe tare nämene nemen bare jabätä mräkätre ben yebätä orabare kwe ie. Ye bitikäre, kä namaninta jutobätä angwane, orabare kwe Jehovai debe biankäre ie. (Mäkwe ñäkä 1 Samuel 1:10, 12, 13, 26, 27 aune 2:1 yebätä.)

¡Kukwe kwin krubäte! Kukwe kri tä ni kisete ye ni raba niere Ni ni Sribekä yei. Ni raba käikitekä aune tä jondron nuainne ye jökräbätä ni raba debe bien ie arato. Nikwe ñaka orasion ye käi kwitadrekä jire jabiti. (Mäkwe ñäkä Salmo 145:14-16 yebätä.)