Mätä noticia kukwe nuin ye ngwane, tä nemen gare mäi kukwe mikata täte yebiti kukwe käme krubäte nuainta. Akwa, kukwe jökrä ye ñaka kite Ngöbökri (Mateo 7:15). Yebätä nitre jökrä bäsi ngökata. (Mäkwe ñäkä 1 Juan 5:19 yebätä.)

Akwa, nitre blite metre tärä abokän tä kukwe metre aune kukwe kwin tarere ye gare Ngöböi (Juan 4:23). Yebätä tä niaratre nübaire kukwe metre ye känene Kukwe kwe, Biblia yebätä. (Mäkwe ñäkä 1 Timoteo 2:3-5 yebätä.)

Nitre nämene kukwe madabätä ye Jehová tä mike keteitibe. ¿Tä nuainne ño? Tä kukwe metre driere ietre aune ja taredre kwärikwäri ye tä driere ietre (Miqueas 4:2, 3). Ye medenbätä nitre kukwe metrebätä ye rükai gare mäi töita ño ja kräke kwärikwäri yebätä. (Mäkwe ñäkä Juan 13:35 yebätä.)

Nitre Ngöbö mikaka metre täte ye tä dre nieta Bibliakwe ye mike era jai aune kukwe tä ükanintebätä nuaindre ye tätre mike täte (2 Timoteo 3:16). Ngöbö kä ye tätre mike ütiäte jai (Salmo 83:18). Ne madakäre Gobran Ngöbökwe ye aibe ie ni kä tibienbätä raba tö ngwen drieta kwetre (Daniel 2:44). Aune Jesukwe nuainbare ye erere tätre ñötra trä ye kwrere, tätre nitre mada dimike (Mateo 5:16). Ne madakäre, tätre niken nitre tuinbiti yebätä nüke gare ñobätä ñan aune tätre niken nitre nünanka bäre yekänti blitakäre dre dre kwin nuaindi Gobran yekwe yebätä. (Mäkwe ñäkä Mateo 24:14; Hechos 5:42 aune 20:20 yebätä.)