Jesús murie keta jämi ye näire deu, niarakwe ja nire biandi ye nitre ja tötikaka kwe käkwe ñaka käi kwitadrekä jabiti niebare kwe ietre. Jesukwe niebare ietre: “Ne nuain munkwe ti mikakäre törö jai käre” (Lucas 22:19, Ngöbö Täräe, tärä okwä ükaninte).

Jesús Ja Nire Biani Ngwainta Törö Jai ye nuaindi kä nete viernes 3 abril yete, Ñänä näin nekä ye bitikäre. Nun testiko Jehovakwe tä mä aune mä mräkä nübaire jabe kukwe ütiäte kädriei ye kukwe nuakäre. Jesús ja nire biani ye ñobätä ütiäte krubäte aune ye köböire dre kwin raba nemen mäkwe ye mikai gare.