KUKWE TÄRÄ KWATABÄTÄ | BIBLIA, KUKWE JENE JENEBITI TA TÄBE NENGWANE
Ñobätä Biblia täbe nengwane
Nengwane Biblia täbe aune ye köböire raba nemen kwati mä kisete aune mä raba ñäkebätä. Biblia kwitani kwin mä kukweibiti yebätä mätä ñäke ngwane, kukwe metre Ngöbökwe tikani kena abokänbätä mätä ñäke rabai gare mäi. * Kira Biblia tikani jondron niken ngwarbe jötröbätä, ja mikani krubäte rüere aune kwita tö namani jene, ¿akwa ñobätä täbe nengwane? ¿Ñobätä mikata ütiäte jai?
“Gare metre tie Biblia tä tikwe ne jondron ütiäte Ngöbökwe biani tie”
Kukwe nükani gare apóstol Pablo ie ye erere nüke gare nitre kwati ja tötikaka Bibliabätä ie. Pablo kukwe ne tikani: “Kukwe jökrä Tikani yebätä Ngöbökwe ja töi mikani” (2 Timoteo 3:16, TNM). Biblia täbe ñobätä ñan aune ye Ngöbö kukwei nieta kwetre aune Ngöböta kriemike nükebe nengwane. Faizal, kädrite kukwe kena yebätä ye käkwe jai töi mikani akwle kukwe Bibliabätä ye mike gare jai. Kukwe namani gare ie ye käkwe töi mikani ñan krütare. Kukwe bätäkä ngwarbe drieta iglesiate ye erere ñaka kwen Bibliabätä namani gare bengwairebe ie. Ne madakäre, Ngöbö töita ño kä tibienbätä mikata gare Bibliabätä ye namani gare ie ngwane, kä namani jutobätä.
Faizal tä niere: “Gare metre tie Biblia tä tikwe ne jondron ütiäte Ngöbökwe biani tie. Ngöbökwe kä tibien aune kä kwinta sribebare, aisete bäri nuäre niara kräke Biblia biankäre nie aune kriemikakäre. Ngöbö ñaka raba Biblia ye kriemike ye abokän Ngöbö die ñaka niedre ye kwrere. Akwa ye erere ñaka, ñobätä ñan aune Ngöbö dite kri” (Isaías 40:8).
^ párr. 3 Kukwe kädekata “Cómo escoger una buena traducción de la Biblia” tä La Atalaya 1 mayo 2008 yebätä ye mikadre ñärärä.
Ne rabai tuen kwin mäi arato
NI MIKAKA MOKRE
¿Ñäkädre Bibliabätä ye ütiäte?
Nitre kwati tä Biblia ye mike tuin ütiäte krubäte jai akwa dre nieta kwe ye ñaka gare krubäte ietre o ñaka gare jire ietre.
ESSENTIAL BIBLE TEACHINGS
Biblia tä kukwe metre niere, ¿ye ñobätä ni rabadre tö ngwen ie?
Biblia ye Ngöbökwe akräke tärä ye ñaka ja erebe tärä mada yebe.
