¿Ño ñäkä Bibliabätä käi raba nemen juto mäbätä aune ja tötike kwinbätä? Kukwe ketarike käkwe nitre ñäkäkäbätä dimikanina ye mike gare jai.

Mäkwe kä kwin känä. Mäkwe kä kwekebe känä. Jondron raba mä näkwite ye mäkwe ñaka nuain aune kä trä kwin bätä murie mate känti mä rabai ngwane, mä töi rabai bäri merebe ñäkäkäre.

Mäkwe ja töi mika kwin ñäkäkäre. Ni Rün kä kwinbiti ye käkwe Biblia biani regalore nie. Ñäkä Bibliabätä köböire kukwe kwin rabadre bare mä kräke ie mä tö ngwane, monso chi tö kukwe mikai gare rünbätä jai tä ja töi mike erere mäkwe ja töi mika. Ja töi blo o ni brukwä ni mada kräke ye mikadre mentokwäre aune Ngöbö tuadremetre dirire jai (Salmo 25:4).

Oradre kömika ye känenkri. Biblia yebätä Ngöbö töi tä tikani, aisete rükadre gare nie yekäre niarakwe ni dimikadre nita ribere jai. Nirekwe üai deme käräi ie yei niarakwe biain käbämikata kwe (Lucas 11:13). Üai deme ye raba mä dimike Ngöbö töi ño ye mike nüke gare jai. Aune ja känenkäre “kukwe nguseta Ngöböbätä” ye raba nüke gare mäi (1 Corintios 2:10).

Rükadre gare mäi yekäre mäkwe ñäkä. Mäkwe ñaka ñäkä okwä kwäre. Ñakare aune, mätä ñäke ngwane drebätä mäta ñäke yebätä mäkwe töbika. Ngwentari jai: “¿Nitrebätä blitata nete ne käkwe ja töi meden meden bämikani? ¿Kukwebätä tita ñäke ne ño ti raba mike nemen bare?”.

Ñobätä mäta ñäke ye mäkwe mika gare metre jai. Ñäkä Bibliabätä käi rabadre juto mäbätä yekäre kukwe raba ja nire mäkwe dimike ye mäkwe mika gare jai. Mä raba ja töi mike Ngöbö mike gare bäri kwin jai, ja ngwen bäri kwin, ja ngwen bäri kwin mä muko ben o kukwe mada mada. Biti sección Bibliabätä raba mä dimike kukwe ye mike nemen bare ye mäkwe dianka jai. a

Kukwe ketarike ne käkwe mä dimikai kömike, akwa ¿mä raba dre nuainne ne kwe ñäkä Bibliabätä ye rabadre bäri kwin? Kukwe ja tötikara ja känenkäre ye känti kukwe mada mikata gare.