¿Kukwe nini ye erere ja ruin mäi? Mä tö namani ñäkäi Bibliabätä akwa kukwe keteiti käkwe mä ketaninbätä raba ruin nunye. Ñäkädre tärä nebätä ye ñaka nuäre tä nemen ruin nitre kwati ie. Akwa, kukweta tikanibätä ye raba ni mike nüne kä juto biti aune drekäre nita nete ye tä mike gare nie rabadre gare ngwane, ¿mikadre tuin jankunu kore jai? ¿Aune kukwe tärä ruäre abokän nuaindre ne kwe ñäkä Bibliabätä käi rabadre juto nibätä rabadre gare ngwane? ¿Biblia raba dre mike bare mä kräke ye mäta juto mikakäre gare jai?

Nitre käkwe ñäkä Bibliabätä kömikani aune ye köböire kukwe kwin raba nemen bare ni kräke namani gare ietre niebare kwetre ye mike ñärärä.

Ezekiel, biti kä 20 biti bäri, tä niere: “Käne ni iti tä niken ji ngrabare tä niken medenkwäre ñan gare ie ye kwrere ti nämäne käne, akwa ñäkä Bibliabätä ye köböire ti niken medenkwäre ye gare tie. Kukwe keta kabre kwin ja jie ngwankäre mantre jetebe tä tikanibätä”.

Frieda, biti kä 20 arato, tä niere: “Kukwe ngwarbe bätä ti nämä nemen rubun, akwa tita ñäke Bibliabätä ye köböire tita ja töi gobraine. Ti nämä ja ngwen ño ye tita ükete bäri kwin aune nengwane ja ketamuko tä bäri tikwe”.

Meri iti biti kä 50 biti bäri kädekata Eunice tä niere: “Tä ti dimike ja ngwen bäri kwin aune kukwe ñan kwin ti nämä nuainne ye ükete”.

Ñäkädre Bibliabätä ye raba mä dimike nüne kä jutobiti namani bare nitre nebätä aune nitre millón kwati krubäte mada yebätä erere (Isaías 48:17, 18). Raba mä dimike kukwe keta kabre känti ñodre kukwe kwin den nuaindre jai, ja ketamuko kwin känene, ni nainte krubäte yebe ja tuin aune kukwe metre mike gare jai ni Ni Sribekä yebätä ye kukwe bäri ütiäte kukwe jökräbiti ta. Kukwe nieta Bibliabätä ye kite Ngöbökri aisete nikwe mikai täte ngwane käre kukwe kwin rabai bare ni kräke. Niara ñaka kukwe blo mäträire nibätä.

Aisete kö mikadre ye bäri ütiäte. Kukwe ruäre nuain raba ñäkä Bibliabätä kömikakäre aune käi rabadre juto mäbätä ye rabai gare mäi kukwe ja tötikara ja känenkäre yebätä.