Nitre testiko Jehovakwe: tödekabare metre. Kukwe 2: Niaratre kukwe metre ye mikani trä ngitiekä
Nitre Ja Tötikaka Bibliabätä kisete sribi mikani ye abokän niaratre rabadre ‘nitre nünanka kä jökräbiti tibien ye mike ja tötikaka sibaʼ. Sribi nämene krubäte nuaindre ietre aune kukwe nie nämene Bibliabätä ye niaratre rabadre mike nüke gare jai arato. Ne madakäre, kukwe tare keta kabre nämene niaratre käne abokän käkwe tödeka kwetre ye mikai bäri dite. Kä 1922 nükebe ni näire Jehová tä juta kwe jie ngwen ño ye mäkwe tua video ketebukäre tä ükaninte nekänti.
Ne rabai tuen kwin mäi arato
KUKWE MIKATA GARE
Nitre testiko Jehovakwe: tödekabare metre. Kukwe 1: Kä trä namani tuinta ietre
Nitre kristiano braibe ye käkwe ñaka kä jürä ngwani jabätä kukwe metre Bibliabätä ye mikakäre gare aune ye ererebätä ja ngwani kwetre ye mäkwe tua. Niaratre kukwe bämikani yekwe mä töi mikai Ngöbö mike täte metre.
