Kukwe nieta tärä keta kabre tä Bibliabätä yebätä
Video oto kiakia ne tä kukwe ütiäte mike gare Biblia aune kukwe namani bare kirabe yebätä. Mäkwe video ye mika ñärärä ja kitakäre ñäke bäri kwin aune ja tötikakäre bäri kwin Bibliabätä.
Kukwe nieta Génesis yebätä
Ñokänti ni namani kä tibienbätä aune ñobätä ni jatani ja tare nike aune krüte yebätä tärä Génesis tä kukwe ütiäte mike gare.
Kukwe nieta Éxodo yebätä
Jehová käkwe nitre israelita mikani kwäre Egipto yete aune kädekani kwe juta jakwe
Kukwe nieta Levítico yebätä
Ngöbö ye abokän deme aune ñobätä nikwe ja ngwandre deme ye ütiäte krubäte ye mikata gare tärä Levítico yebätä.
Kukwe nieta Números yebätä
Nikwe Jehová mikadre täte kukwe jökrä känti aune nire mikaninte kwe ni jie ngwankäre ye kukwei mikadre täte ye ütiäte krubäte ye ani tuin.
Kukwe nieta Deuteronomio yebätä
Kukwe biani Jehovakwe nitre israelita ie yebiti nämäne juta kwe tarere bämikani ño kwe ietre ye mäkwe mika ñärärä.
Kukwe nieta Josué yebätä
Juta Israel käkwe juta diani ño jai aune Jehovakwe kä biani ietre ye niaratre käkwe döräibare ño jabiti ye mäkwe mika ñärärä
Kukwe nieta Jueces yebätä
Tärä ne kädekata ne kwrere ñobätä ñan aune tä blite nitre dianinkä kukwe ükatekäre Jehovakwe juta kwe mikakäre kwäre abokän käkwe ja ngwani balente yebätä. Ngöbökwe nitre tödekaka nebiti juta kwe mikani kwäre juta mada mada nämäne ngwen ja tare nike ye kisete.
Kukwe nieta Rut yebätä
Tärä Rut ye tä kukwe mike gare meri iti kän muko krütani yekwe jürü merire kän muko krütani arato ye namani tare krubäte kwe.
Kukwe nieta 1 Samuel yebätä
Juta Israel ja kwitabare nitre kukwe ükatekä näire nememe reitre gobranbare näire yebätä. Dre namani bare mäkwe mika gare jai.
Kukwe nieta 2 Samuel yebätä
Davidkwe ja töi mikani bobre aune tödekabare kwe ye köböire niara namani gare aune namani tare nitrekwe mikata gare Bibliabätä yebätä mä raba ja kita.
Kukwe nieta 1 Reyes yebätä
Juta Israel ye namani ñäkänintubu Israel aune Judá erere ngwane, namani rüre jabe aune yete ja käne kukwe kwin nämäne kwetre aune nämene nüne kwin ye nianinte kän Salomón nämäne gobrane ye ngwane ye mäkwe tua
Kukwe nieta 2 Reyes yebätä
Nitre israelita ngwitärikri ñaka tö Jehová mikai täte akwa nitre braibe tä ja ngwen metre ie ye kräke niara tä kukwe kwin mike nemen bare ye mäkwe tua.
Kukwe nieta Esdras yebätä
Jehovakwe juta kwe mikai kwäre nitre Babilonia kisete aune kukwe metre nuainta Jerusalén käbämikani kwe ye erere nuainbare kwe.
Kukwe nieta Nehemías yebätä
Tärä Nehemías yebätä kukwe ütiäte mikata gare nitre Ngöbö mikaka täte kä nengwane ye kräke.
Kukwe nieta Ester yebätä
Kukwe namani bare Ester näire yekwe mikani tödeke bäri Jehová juta kwe mikaka kwäre kä nengwane yei.
Kukwe nieta Job yebätä
Nitre jökrä tä Jehová tarere ye nuaite. Kukwe mikata gare Job yebätä ye tä mike gare nie ni raba ja ngwen metre aune ja mike gobran Jehovakwe yekri.
Kukwe nieta Salmos yebätä
Gobran Jehovakwe, tä nitre niara tarekä dimike aune töi mike ño jäme aune Gobran kwe ye köböire kä tibien ne kwitai bä nuäre kwe ye kädrieta tärä Salmos yebätä.
Kukwe nieta Proverbios yebätä
Tärä Proverbios yebiti Ngöbö tä ni dimike ja tuin kukwe keta kabre ben ñodre: sribi aune kukwe ükadrete ño ni ja mräkäre ben yebe, yebätä arato.
Kukwe nieta Eclesiastés yebätä
Rey Salomón käkwe kukwe meden bäri ütiäte aune kukwe meden ñaka nemen kwin Ngöbö kräke ye mikani gare kwe.
Kukwe nieta El Cantar de los Cantares yebätä
Sulamita aune ni oveja ngübaka ja tarebare metre kwetre ye, ¿ñobätä ketata “ñukwä jutra Jehovakwe” yebätä?
Kukwe nieta Isaías yebätä
Kukwe metre niebare ye tä tärä Isaías yebätä abokän tä ni dimike tö ngwen Jehovai, niara ye kukwe käbämikata kwe mikaka nemen bare aune Ngöbö ni mikaka nemen kwäre.
Kukwe nieta Jeremías yebätä
Jeremias rüe nakaninkä krubäte akwa yebiti ta sribi mikani kisete ye nuainbare jankunu kwe. Kukwe kwin bämikani kwe ye raba nitre kristiano kä nengwane dimike ño yebätä mäkwe töbika.
Kukwe nieta Lamentaciones yebätä
Tärä Lamentaciones ye Jeremías tikani. Jerusalén ganinte yebätä nitre namani ulire aune nita ja töi kwite ye köböire Ngöböta ni mike tuin bobre jai ye mikata gare tärä yebätä.
Kukwe nieta Ezequiel yebätä
Ngöbökwe dre nuain mananbare Ezequiel ie ye ñaka namani nuäre kräke, akwa nuainbare jökrä kwe töi bobrebiti aune ñaka kä jüräbe kwärä. Niarakwe kukwe kwin bämikani yebätä kukweta nemen gare krubäte nie.
Kukwe nieta Daniel yebätä
Daniel aune ja ketamuko nimä kwe ye ja ngwani metre jankunu Jehovai kukwe jökrä yete ta. Niaratre kukwe kwin bämikani aune kukwe niebare tä nemen bare ye tä ni dimike krubäte kä krüte nete.
Kukwe nieta Oseas yebätä
Oseas kukwe niebare ye tä kukwe ütiäte krubäte mike gare nie nitre kukwe käme nuainkä ja töi kwitani ye Jehovakwe mikani tuin bobre jai aune niara tö ni tuai ja mike ño täte yebätä.
Kukwe nieta Joel yebätä
Joel käkwe kukwe mikani gare “köbö kri Jehovakwe” nibira ja ken yebätä aune ño ni raba nemente nire yebätä arato. Kukwe rabai bare niebare kwe ye bäri ütiäte kä nengwane.
Kukwe nieta Amós yebätä
Ni töi bobre ye Jehovakwe mikani sribi ütiäte nuainne. Amós kukwe bämikani, ¿ye tä kukwe meden ütiäte driere ja töi kräke nie?
Kukwe nieta Abdías yebätä
Kukwe Tikani Hebreore ye ngätäite tärä ne bäri oto chi. Kukwe rabai bare niebare yei ni raba tö ngwen aune Jehová aibe rabai gobrane ye käbämikata tärä nebätä.
Kukwe nieta Jonás yebätä
Mäträbare Jonabätä ye niarakwe kani ngäbiti, sribi biani nuaindre ie ye nuainbare kwe aune Ngöböta nitre tarere metre bätä tä mike tuin bobre jai yebätä kukwe ütiäte namani gare Jonás ie. Kukwe namani barebätä ye matai mä brukwäte.
Kukwe nieta Miqueas yebätä
Jehová tä dre ribere nuaindre nie ye kwin ni kräke aune ñaka ribi nuainkäre, kukwe yei tärä Miqueas tä ni mike tö ngwen bäri.
Kukwe nieta Nahúm yebätä
Kukwe rabai bare niebare ye tä ni mike tö ngwen kukwe ne ie: kukwe nieta Jehovakwe ye jökrä mikai nemen bare kwe aune nitre tö nünain jäme bätä nemente kwäre Gobran Ngöbökwe köböire ye niarata töi mike jäme.
Kukwe nieta Habacuc yebätä
Ñongwane Jehovakwe juta kwe mikadre kwäre aune nuaindre ño ye gare bäri kwin ie yei ni raba tö ngwen.
Kukwe nieta Sofonías yebätä
Köbö Jehovakwe ñaka rükai nikwe nütüdre, ¿ye ñobätä ñaka kwin?
Kukwe nieta Ageo yebätä
Kukwe ja üaire ye mikadre käne jondron mada yebiti ta ye bäri ütiäte ye mikata tärä nebätä.
Kukwe nieta Zacarías yebätä
Jondron keta kabre mikani tuare kirabe käkwe nitre Ngöbö mikaka täte dimikani krubäte. Kukwe ye arabe tä mike gare kä nengwane Jehová tä ni dimike arato.
Kukwe nieta Malaquías yebätä
Jehovata kukwe niere ja jie ngwankäre nie, ni tuin bobre ie aune tä ni tarere ye täi kärekäre mikata gare. Arato kukwe ütiäte mikata gare ja töi kräke nie ja tuakäre kukweta nemen bare ni näire yebe.
Kukwe nieta Mateo yebätä
Tärä Mateo yebätä kukwe nuäre mike gare jai. Tärä ketabokä tä blite Jesubätä yete tärä Mateo tä kena.
Kukwe nieta Marcos yebätä
Tärä Marcos tä tikani bäri oto chi tärä Mateo, Lucas aune Juan ye kräke aune Jesús rabai reire kä kwinbiti ye ngwane dre nuaindi kwe ye mikata gare yete.
Kukwe nieta Lucas yebätä
¿Kukwe meden tikani tärä Lucas yebätä abokän ñaka raba kwen nie tärä madabätä?
Kukwe nieta Juan yebätä
Ni kä tibienbätä nämäne tare Jesukwe, niara töi bobre ye bämikani kwe aune niara dianinkä Mesías erere gobrankäre Gobran Ngöbökwe yete ye tärä Juan tä mike gare.
Kukwe nieta Hechos yebätä
Nitre kristiano siklo kena käkwe ja di ngwani kukwe driere juta jökrä yekänti. Mäkwe ñäkäi tärä Hechos yebätä ngwane, bäri mäkwe kukwe driei kä jutobiti.
Kukwe nieta Romanos yebätä
Jehová ñaka tä ni kitete aune nikwe tödekadre Jesukristo yebiti ye ütiäte krubäte mikata gare tärä tikani yebätä.
Kukwe nieta 1 Corintios yebätä
Pablo tärä tikani yekänti blitata ni tädre keteitibe, ja sribedre kwin ja mika gure yebiti, nikwe ja taredre aune nitre krütani gaikröta yebätä.
Kukwe nieta 2 Corintios yebätä
Jehová ‘ni töi mikaka jäme’, tä ni niara mikaka täte ye mike dite aune dimike.
Kukwe nieta Gálatas yebätä
Tärä tikani nitre Gálatas ie ye namani ütiäte nitre mekera kräke ye erere ni kräke arato. Raba nitre kristiano jökrä dimike ja ngwen metre.
Kukwe nieta Efesios yebätä
Ngöbö töita ni mikai nüne jäme aune keteitibe Jesukristo köböire mikata gare tärä yekwe nie.
Kukwe nieta Filipenses yebätä
Nikwe ja ngwain metre kukwe tare näire ngwane, ni rabai nitre mada töi mike nuainne erere arato.
Kukwe nieta Colosenses yebätä
Kukwe kwin nuaindre Jehová okwäbiti, yekäre dre tä nemen gare nie ye mikadre täte, ngite juandre jabiti ta aune Kristo tä sribi ütiäte nuainne aune jie ngwen ye mikadre gare jai.
Kukwe nieta 1 Tesalonicenses yebätä
Ni tädre ngwäte kukwe ja üairebiti, jondron ükadrete kwin jai, oradre käre aune ja dimikadre kwärikwäri.
Kukwe nieta 2 Tesalonicenses yebätä
Nitre Tesalonicenses nämäne töbike bä jene köbö Jehovakwe jatai ño yebätä Pablo mäträbarebätä aune töi mikani kwe tödeka kwetre mike dite jankunu.
Kukwe nieta 1 Timoteo yebätä
Pablokwe Timoteo kena ne tikani kukwe nuaindre ño konkrekasionte ye ükatekäre aune kukwe ngwarbe drie jatai bätä ngwian tare jatadre yebätä nitre mikani mokre kwe.
Kukwe nieta 2 Timoteo yebätä
Timoteo rabadre kukwe driere ja dibiti Pablo ribebare kisere ie.
Kukwe nieta Tito yebätä
Pablokwe tärä Tito tikani kä 61 aune 64 ye ken raba ruin nie. Kukwe ruäre nämäne nemen bare konkrekasion Cretabätä aune nitre rabadre dre nuainne ne kwe kädekadre ni umbrere konkrekasionte ye mikata gare yete.
Kukwe nieta Filemón yebätä
Tärä ne otö chi akwa tä kukwe ütiäte mike gare nie ja ngwandre töi bobre, ja ngwandre mantiame aune ngite juandre ta jabiti yebätä.
Kukwe nieta Hebreos yebätä
Ni kristiano tä Ngöbö mike täte ye abokän kukwe bökän mikata täte nikwe abokän bäri ütiäte ju aune jondron nire kukwata Ngöböi ye kräke.
Kukwe nieta Santiago yebätä
Santiago kukwe ütiäte mikani gare ni kristiano kräke.
Kukwe nieta 1 Pedro yebätä
Tärä kena Pedrokwe ne tä ni dimike sribire bäri aune ja ruin ño nie ye mike jökrä Ngöbö kisete.
Kukwe nieta 2 Pedro yebätä
Pedro ketebukäre tä ni dimike ja ngwen metre ni täbe kä kwinta aune kä tibien mrä ngübare ye känenkri.
Kukwe nieta 1 Juan yebätä
Tärä Juan ne tä ni mike mokre anticristo yebätä aune ni dimike ni rabadre dre tarere aune dre ñan tarere.
Kukwe nieta 2 Juan yebätä
Juan ketebukäre tä ngwen törö nie ni rabadre dikekä jankunu kukwe metre yebiti aune ja kriemike nitre ni ngökaka yebätä.
Kukwe nieta 3 Juan yebätä
Juan ketamäkäre tä kukwe bä nuäre driere nie ja kadre ngäbiti kwin kwärikwäri yebätä.
Kukwe nieta Judas yebätä
Judas tä mike gare ño nitre kukwe ngwarbe driekä tö nitre kristiano ngökai
Kukwe nieta Apocalipsis yebätä
Kukwe mikani tuare tärä Apocalipsis yebätä ye Gobran Ngöbökwe käkwe Ngöbö töi ye mikai nemen bare ño kä tibienbätä ye mäkwe mika gare jai.
