¿Drekäre nita nüne?
Biblia tä kukwe ye mike gare
Kukwe ne bämika raba kukwe jene jenebiti ni töite. Ni iti raba ngwentari jai: “¿Ñokäre nita nire?” “¿Ñokäre ni sribebare?”. Ni dätebare ne kwe nikwe ja ketadre Ngöböbe ye mikata gare Bibliabätä. Akwa kukwe ne rabadre gare kwin nie ye känenkri kukwe metre tä Bibliabätä ye ani mike gare jai.
Ngöbö ye ni Sribekä. Biblia tä niere: “Niara abokän ni sribebare, ni ñan nükani ja töbiti kä nebätä” (Salmo 100:3; Revelación [Apocalipsis] 4:11).
Jehovakwe nitre aune kä tibien sribebare ye kräke kukwe keteiti tärä nuainkäre ie ngwane, ñaka sribebare ngwarbekäre (Isaías 45:18).
Kukwe ja üaire ribedre jai ye käkwe ni dimikai ja nire käre ye känene jakrä, Ngöbökwe ni sribebare ye erere (Mateo 5:3). Kukwe ribeta jai nikwe ye niara tö nun tuai känene (Salmo 145:16).
Ngöbö mikadre gare jai ye ñaka ribi. Nikwe ja di ngwain ja ketakäre Ngöböbe yebiti nikwe bämikai kukwe ja üaire ye nita ribere jai. Metrere, Biblia tä ni nübaire ne nuainne: “Krötö känime Ngöbö ken munkwe amne Ngöbökwe krötadi känime mun ken” (Santiago 4:8; 2:23).
Drekäre nun sribebare nikwe nuaindi angwane, ni kädekai ja ketamuko Jehovakwe. Drekäre ni sribebare ye Biblia ara tä mike gare nie: “Para esto fue creado el hombre: para temer y amar a Dios y obedecer sus mandatos” (Eclesiastés 12:13, versión de Ángel Sánchez, nota; lenguaje actualizado).
Kä ja känenkäre Ngöbökwe kukwe tare ye diainkä aune ja nire käre ye biandi kwe ja ketamuko jökrä kwe ie, nire nire tä ja ngwani metre ben. Ye ngwane, Ngöbökwe dre käbämikani ye rabai bare täte (Salmo 37:10, 11).