¿Nire nire näin kä kwinbiti?
Biblia tä mike gare
Ngöbökwe nitre ruäre dianinkä nänkäre kä kwinbiti, tätre krüte ye bitikäre tä nüketa nire akwa kä kwinbätä (1 Pedro 1:3, 4). Niaratre diankata ye bitikäre tödeka kwetre tädre dite aune ja ngwandre kwin. Niaratre ñakare nuaindre ye erere ngwane, kukwe kwin ne ñan rabai niaratrekwe (Efesios 5:5; Filipenses 3:12-14).
¿Niaratre dre nuaindi yete?
Nitre dianinkä ye rabai reire aune sacerdotere Jesube kä mil te (Revelación [Apocalipsis] 5:9, 10; 20:6). Niaratre yebiti gobran bitinkä kä kwinbiti ükaite (Biblia tä kädeke kä bitin kä kwinbätä) abokän rabai gobrane ni rabaitre kä tibienbiti nebiti (arato kä tibien bitin). Nitre rei ne käkwe ja di ngwandi ni mikakäre nüne metre aune kwin Ngöbö tö namani kena ye erere (Isaías 65:17; 2 Pedro 3:13).
¿Nitre nuäi rikai kä kwinbiti?
Biblia tä mike gare nitre 144,000 rikai kä kwinbiti (Revelación 7:4). Kukwe mikani tuare apóstol Juan ie yekänti Cordero [Jesús nükaninta nire] jutuabare nünaninkä ngutuä Sión yete aune nitre 144,000 nämäne ben (Revelación 14:1-3; Juan 1:29; 1 Pedro 1:19). Jesús aune nitre 144,000 rabai gobrane ben kä kwinbiti ye Ngöbökwe mikani bäri kri ye bämikata ngutuä Sión yebiti (Salmo 2:6; Hebreos 12:22).
Nitre dianinkä gobrankäre Kristobe Gobran Ngöbökwe yete ye kädekata arato oveja braibe (Apocalipsis 17:14; Lucas 12:32). Ne tä mike gare oveja näin jökrä Jesube te brai ruäre diankata jenena (Juan 10:16).
Töbikata ñaka kwin nitre niken kwinbiti yebätä
Nitre ruäre tätre niere: Nitre jökrä töi kwin tä niken kä kwinbätä.
Kukwe metre: Ngöbö tä käbämike nitre bäsi jökrä nünandi kä tibienbätä (Salmo 37:11, 29, 34).
Jesukwe niebare: “Ni ngämi niken iti jire Ngöbö känti kä käinbti” (Juan 3:13). Nitre ja ngwandi kwin nünanbare niara känenkri, ñodre, Abrahán, Moisés, Job aune David, ñan nikani kä kwinbiti ye tä nemen gare metre nie texto nebiti (Hechos 2:29, 34). Nitre rükaita nire nünankäre kä tibienbätä yei niaratre nämäne tö ngwen (Job 14:13-15).
Nitre rükaita nire üaire ye kädekata “nitre rükaita nire kena” (Apocalipsis 20:6). Aisete ye bitikäre, nitre mada rükaita nire kä tibienbätä ngätäre.
Biblia tä driere Gobran Ngöbökwe yete gata ñan rabai (Apocalipsis 21:3, 4). Ne rabai bare kä tibienbätä aibe, ñobätä ñan aune gata ñakare nemen bare kä kwinbätä.
Nitre ruäre tätre niere: Ni rabai nüne kä kwinbätä o kä tibienbätä ye ni itire itire rabai den akwle jai.
Kukwe metre: Nitre kristiano meden meden ye käräta Ngöbökwe ye abokän rabai nüne kä kwinbätä ye Ngöbö tä denkä (Filipenses 3:14). Nitre töta drei aune tä dre nuainne ye ñan aibe köböire diankata (Mateo 20:20-23).
Nitre ruäre tätre niere: Nire nire kata ngäbiti kä kwinbiti ñaka nünanbare kwin ye rabai nüne kä tibienbätä.
Kukwe metre: Nire nire nünandi kä tibienbätä ye Ngöbö tä kädeke nitre tikwe, nitre dianinkä tikwe aune “Ngöbö tä kukwe kwin mike nemen barebätä” (Isaías 65:21-23). Ngöbö tö namani dre nuainne kenanbe ye nitre nünain kä tibienbätä nuaindi. Nitre töi metre nünandi kärekäre kä bä nuäre te (Génesis 1:28; Salmo 115:16; Isaías 45:18).
Nitre ruäre tä niere: Número 144,000 tä Apocalipsis ye kä bämikakäre jerekäbe.
Kukwe metre: Número ruäre tä tärä nete ye bämikakäre, akwa ruäre mada abokän metre. Ñodre, nitre Jesus kukwei ngwianka ni jätäbiti nibu kä nämä tikani (Apocalipsis 21:14). Número 144,000 ye metre ye ñokänti gare nie ari tuin.
Apocalipsis 7:4 tä mike gare: “Angwane nitre israelita nibe btä Ngöbö käi ketadrekä ngibiakäre kukwe taretare ngäniene nieba jökrä abko 144,000 [nitre ne diankata nünankäre kä kwinbiti]”. Ye bitikäre tä nitre ne ñäke “ni kä jökräbti temen näma kwati [...] ñan rababa tanre jire chi” ye ben. “Nitre kwati” ye tä nemen kwäre arato (Apocalipsis 7:9, 10). Número 144,000 ye bämikakäre aibe ngwane, ngwarbe keta raba nitre tain ñaka raba ye erere ben ngwane. a
Arato, ne nieta nitre 144,000 yebätä: “ni jökrä ngätäite niarakwe ni ye kökani Ngöbökrä, bti nura ngwä ötata käne, ye bianta ngwarbe Ngöböye kuin niekäre ie” (Apocalipsis 14:4). “Nura ötata kena” ye tä mike gare nie kukwe mrä mrä diankata kukwe käne yebätä. Nitre dianinkä gobrankäre Kristo ben kä kwinbätä nitre kwati kä tibienbätä ye ngätäite kukwe bämikata kwin kukwe nebiti (Apocalipsis 5:10).
a Ni dirikä Robert Thomas kukwe ne tikabare número 144,000 yebätä, blitata Apocalipsis 7:4 yebätä: “Número ye nuäi gare nie kukwe mada tä tikani 7:9 yekänti nuäi ñakare gare nie. Número ne bämikakäre aibe nikwe niedre angwane, número mada tikani tärä yete ye jökrä tä ja erebe nikwe niedre arato” (Revelation 1-7: An Exegetical Commentary [Comentario exegético de Revelación 1-7], página 474).
Ne rabai tuen kwin mäi arato
ESSENTIAL BIBLE TEACHINGS
¿Dre abokän Gobran Ngöbökwe?
Jesús nämene kukwe driere ye ngwane Gobran Ngöbökwe yebätä blitabare bäri kwe kukwe mada yebiti ta. Mekerabe nükebe kä nengwane, nitre nänkä niara jiebiti tätre Gobran Ngöbökwe ye kärere orasion yebiti.
SPECIAL CAMPAIGN
Nunta nitre tötike ño bibliabätä ye mike gare jai
Ja tötika Bibliabätä ütiä kärä ñaka ye kain ngäbiti.