¿Ngöbö kä tärä ketabe?
Biblia tä kukwe ye mike gare
Ngöbö kä kwatibe aune kukwe hebreorebiti tikata kore: יהוה (YHWH) aune ngäbere kwitata “Jehová”. a Isaías ni Ngöbö kukwei niekä yebiti Ngöbökwe niebare: “Ti Jehová. Ye abokän ti kä” (Isaías 42:8). Ngöbö kä ye tä 7,000 biti bäri Bibliabätä. Jehová ye nieta bäri Bibliabätä, kukwe mada nieta ie kädekakäre o ni kä jeñe ye kräke. b
¿Jehová kä mada tärä?
Ngöbö kä tärä jeñe nieta Bibliakwe, akwa kukwe keta kabrebiti kädekata arato. Ngöbö kädekata kukwe meden medenbiti ye tä mikani jatäri nete. Jehová abokän ño ye mike ñärärä kukwe keteitire keteitire nekänti.
Kädekätä o ño ye nieta |
Tä kwen medente Bibliabätä |
Dre gärätä |
---|---|---|
Alá |
(Ñaka jire) |
Alá ye nitre árabe kukwei. Ye ñaka Ngöbö kä, ñakare aune Alá ye abokän “Ngöbö” gärätä. Biblia kwitani nitre árabe kukweibiti aune kukwe madabiti yete Ála nieta Ngöböi. |
Alfa aune Omega |
Apocalipsis 1:8; 21:6; 22:13 |
Alfa ye abokän tärä okwä kena aune omega abokän tärä okwä mrä alfabeto griego yebätä. Ye abokän Jehová “nämanena jändrän jökrä känenkri kena” aune niara “rabadi jändrän jökrä täbti mrä” meden gäräta. Ngöbö känenkri aune bitikäre ngöbö mada ñaka jire (Isaías 43:10). |
Dänkin |
Génesis 15:2, Jändrän Jökrä Namani Bare Ño Kena |
Bökänkä. Kukwe hebreorebiti nieta krörö: ʼAdhóhn aune ʼAdhoním. |
Deme krubäte |
Proverbios 9:10 |
Niara deme kukwe jökräbätä. Ni mada ñaka bäri deme Jehová kräke. |
Di Kri |
Génesis 17:1, Jändrän Jökrä Namani Bare Ño Kena |
Jondron aune ni ñaka jire iti bäri dite niara kräke. ’El Schaddái nieta kukwe hebreorebiti ye abokän “Ngöbö Di Kri” gärätä aune tä bä kükü Bibliabätä. |
Dirikä |
Isaías 30:20, 21 |
Niara tä ni jie ngwen aune ni tötike kwin (Isaías 48:17, 18). Kwita raba arato “Ni Tötikaka Bäri Kri” (Traducción del Nuevo Mundo). |
Gobranka kärekäre |
1 Timoteo 1:17 |
Niara ye gobranka kri aune käre gobrandi kwe. |
Ji dokwäte kri nitre rükäkwe |
Romanos 9:29, Ngöbö Täräe |
Ye abokän angeletre kwati dite krubäte jie ngwanta kwe. |
Ni kantra sribekä |
Isaías 64:8 |
Niarata nitre aune juta jökrä gobraine, “ni kantra sribekä” tö dre nuaindi dobrobiti erere tä nuainne ye erere (Romanos 9:20, 21). |
Ngöbö |
Génesis 1:1, Jändrän Jökrä Namani Bare Ño Kena |
Dre dre mikata kri jai aune ni di kri ie ngöbö nieta. Kukwe hebreo ʼElohím ye tä mike gare Jehová abokän ütiäte kri. |
Ngöbö Kri |
Génesis 14:19, Jändrän Jökrä Namani Bare Ño Kena |
Niara aibe gobranka kri. |
Ni Diantarikä |
Tito 2:10 |
Ni mikaka kwäre gata aune kukwe tare yebätä. |
Ni Kökatarikä |
Isaías 41:14 |
Jesukwe ja nire biani yebiti Ngöbökwe ngite kitani ta nibiti aune ni mikani kwäre gata yebätä kwe (Juan 3:16). |
Orasion kukwe nuaka |
Salmo 65:2 |
Ni tödekaka tä orare ie ye jökrä kukwe nuata kwe. |
Pastor |
Salmo 23:1 |
Ni niara mikaka täte ye kriemikata kwe. |
Rün |
Niarakwe ja nire biani nie. |
|
Sribekä |
Isaías 40:28 |
Niara jondron jökrä dätekä aune ni sribekä (Apocalipsis 4:11). |
Ti Tö Dre Nuain Ye Erere Tikwe Nuain |
Éxodo 3:14 |
Dre ribeta kwe ja töi mikakäre nemen bare täte ye erere niara tä nemen. Kukwe ye kwita raba arato “Ti Tö Dre Nuain Ye Erere Tikwe Nuain” (Traducción del Nuevo Mundo). Ngöbö Jehová kä ye dre gärätä ye kukwe ne tä ni dimike mike gare jai, ye tä Éxodo 3:15 yete. |
Tö ja aibe mikamana täte |
Éxodo 34:14 |
Ngöbö ngwarbe mikadre täte ye ie niara ñaka tö, ñakare aune niara “tö ja aibe mikamana täte” (Traducción del Nuevo Mundo). |
Umbre nünanka kärekäre |
Daniel 7:9, 13, 22 |
Kenanbe niara nämänena ni aune jondron jökrä ye känenkri, niara tä kärekäre aune täi kärekäre (Salmo 90:2). |
Kä kädekata Escrituras Hebreas yebätä
Kä ruäre kädekata Bibliabätä yete Ngöbö kä ye kädekaninte, akwa ye ñaka kä jeñe kwe.
Kä kira |
Medente tä niebare Bibliabätä |
Dre gärätä |
---|---|---|
Jehová-salom |
Jueces 6:23, 24 |
“Jehová abokän kä jäme”. |
Jehová-sama |
Ezequiel 48:35, Reina-Valera |
“Jehová tä yete”. |
Jehová-yiré |
Génesis 22:13, 14 |
“Jehovakwe Jondron Biain”. |
¿Ngöbö kä rabadre gare nie aune kädekadrete ye ñobätä ütiäte?
Ngöbö kä Jehová ye ütiäte kräke, ñobätä ñan aune bä kabre tika mananbare Bibliabätä kwe (Malaquías 1:11).
Ngöbö kä ütiäte ye Jesukwe mikani gare bä kabre, ñodre niarakwe orare Jehovai ngwane, niebare kwe: “Mä kä deme” (Mateo 6:9, NGT; Juan 17:6).
Ngöbö kä ño tä nemen gare ni iti ie aune tä kädekete ngwane, tä nemen nökrö kena Jehová kokwäre ja ketakäre ben (Salmo 9:10; Malaquías 3:16). Ja ketadre Ngöböbe ye köböire kukwe kwin käbämikata ne raba nemen kwe: “Niara tä ti tarere yebätä tikwe diaintari. Ti kä gare ie yebätä tikwe niara kriemikai” (Salmo 91:14).
Biblia tä niere: “Kä käinbti ya, kä temenbtä ya, yete ngöbötre tärä abko ni ruäre käta niere. Ye kwrere bkänä, ni ñakare tödekaka Jesubti, kräke ngöbö tärä kwati amne dänkien tärä kwati” (1 Corintios 8:5, 6). Akwa Ngöbö meden abokän metre ye Biblia tä mike gare Jehová kä yebiti (Salmo 83:18).