¿Profecía Bibliabätä tä mike gare Jesús ye Mesías?
Biblia tä kukwe mike gare
Jän. Jesús nämäne kä tibienbätä ngwane, profecía keta kabre “Mesías ni Ji Ngwanka”, ye rabai “Ni jökrä diantarikäre” yebätä kukwe mikani nemen bare kwe (Daniel 9:25; 1 Juan 4:14). Jesús murie ketani ye bitikäre profecía mesiabätä mikani nemen bare jankunu kwe (Salmo 110:1; Hechos 2:34-36).
¿Kukwe Mesías ye dre gärätä?
Kukwe hebreo Maschíaj (Mesías) aune bäsi erere griego Kjristós (Kristo) abokän “dianinkä” meden gärätä. Ye medenbätä, Jesukristo ye “Jesús ni dianinkä” o “Jesús Mesías” meden gärätä.
Mekera ni iti dianka nämäne sribi ütiäte nuainkäre ngwane, aceite keka nämäne dokwäbiti (Levítico 8:12; 1 Samuel 16:13). Ngöbökwe Jesús dianinkä rabakäre mesías aune sribi ütiäte mikani kisete (Hechos 2:36). Akwa ñaka aceite kekani dokwäbiti, ñakare aune Ngöbökwe dianinkä üai demebiti (Mateo 3:16).
¿Ni mada raba profecía mesiabätä ye mike nemen bare?
Ñakare. Ni kisetä o huella digital ye tä ni itibe mike gare, ye erere arato profecía Bibliabätä ye tä mesías o Kristo itibe mike gare. Akwa Bibliata ni mike mokre kukwe nebiti: “Kristo o profeta ngwarbe rükadi abokän käkwe kukwe ñan tuabare nuaindi nitre ngökakäre aune nitre dianinkä ye raba näkwite arato” (Mateo 24:24).
¿Mesías mada raba nüke jä känenkäre?
Ñakare. Mesías ye jatai David mräkätre yekri mikani gare Bibliakwe, David namani reire juta Israel yete (Salmo 89:3, 4). Registro David mräkätre jatärikwe ye nianinte. Kä 70 ngwane, nitre romano käkwe juta Jerusalén diani jai ngwane, registro ganinte raba ruin nie. a Akwa registro ye nämene Jesús näire aune Jesús jatani David mäkätrekri, ye Jesús rüe ie kukwe ñan kwani ükakäre jire (Mateo 22:41-46).
¿Profecía ketabe Bibliabätä tä blite mesiabätä?
Profecía nuäi tä blite Mesiabätä ye metrere ñan gare.Profecía ruäre Bibliabätä, tä blite Mesiabätä ye täin ñaka ja erebe. Ñodre, Isaías 53:2-7 yete profecía keta kabre Mesiabätä ye kädekateta. Kukwe jökrä nieta yete ye nitre ruäre kräke profecía keteitibe, mada abokän kräke kukwe keteiti keteiti ye profecía jene jene.
Profecía mesiabätä ruäre namani bare Jesubätä
Kukwe |
Profecía |
Namani bare |
|---|---|---|
Abrahán mräkätre jatäri |
Génesis 22:17, 18 |
|
Isaac mräkätre jatäri, Abrahán ngobo |
Génesis 17:19 |
|
Tribu israelita Judakwe |
Génesis 49:10 |
|
David mräkätre metre yekri |
Isaías 9:7 |
|
Meri deme kaibe monsoi |
Isaías 7:14 |
|
Därebare Belén |
Miqueas 5:2 |
|
Kädianta Emmanuel b |
Isaías 7:14 |
|
Därebare kä bobre känti |
Isaías 53:2 |
Lucas 2:7 |
Därebare ye bitikäre monsotre kia murie ketani |
Jeremías 31:15 |
|
Nämene Egipto käräbareta |
Oseas 11:1 |
|
Niara Nazareno namani gare c |
Isaías 11:1 |
|
Ni iti kukwe mikani gare känenkri |
Malaquías 3:1 |
|
Kä 29 yete dianinkä üai demebiti mesiare d |
Daniel 9:25 |
|
Monso jakwe Ngöbökwe mikani gare |
Salmo 2:7 |
Hechos 13:33, 34 |
Ju Ngöbökwe mikani ütiäte kwe jai |
Salmo 69:9 |
Juan 2:13-17 |
Kukwe kwin Ngöbökwe ye driebare kwe |
Isaías 61:1 |
Lucas 4:16-21 |
Kukwe driebare kwe juta Galilea ye käkwe käträ tikaninkä nitre okwäte |
Isaías 9:1, 2 |
|
Moisés erere, kukwe ñan tuabare nuainbare kwe |
Deuteronomio 18:15 |
Hechos 2:22 |
Moisés erere, blitabare kwe Ngöbö kräke |
Deuteronomio 18:18, 19 |
Juan 12:49 |
Nitre kwati nämäne bren ye mikaninta kwin kwe |
Isaías 53:4 |
|
Ñaka nitre töi mikani jabätä kwe |
Isaías 42:2 |
|
Nitre bren ye mikani tuin bobre kwe jai |
Isaías 42:3 |
|
Kukwe metre Ngöbökwe driebare kwe |
Isaías 42:1, 4 |
|
Ni mäträkä kwin |
Isaías 9:6, 7 |
Juan 6:68 |
Jehová kä mikani gare kwe |
Salmo 22:22 |
Juan 17:6 |
Diribare kwe aune erere nuainbare kwe |
Salmo 78:2 |
|
Ji dokwäte |
Daniel 9:25 |
|
Nitre kwati ñaka mikani era jai |
Isaías 53:1 |
Juan 12:37, 38 |
Jäbätä nitre ngoto ritaikä |
Isaías 8:14, 15 |
|
Ñan kani ngäbiti |
Salmo 118:22, 23 |
Hechos 4:10, 11 |
Bätä ngwani ngwarbebätä |
Salmo 69:4 |
Juan 15:24, 25 |
Burrobiti namani Jerusalén ngwane, kani ngäbiti kä jutobiti |
Zacarías 9:9 |
|
Monsotrekwe käikitaninkä |
Salmo 8:2 |
|
Jatani Jehová käbiti |
Salmo 118:26 |
Juan 12:12, 13 |
Ja ketamuko iti trö kwitani ie |
Salmo 41:9 |
Juan 13:18 |
Ngwian mününe 30 närebätä kitani ngise e |
Zacarías 11:12, 13 |
|
Ja ketamuko kwe käkwe kämikaninkäbätä |
Zacarías 13:7 |
|
Testiko ngwarbe käkwe ñäkäbare rüere |
Salmo 35:11 |
|
Nitre ñäkäkä rüere ngwärekri ñan blitabare kwe |
Isaías 53:7 |
|
Käli kitanibätä |
Isaías 50:6 |
|
Metani dokwäte |
Miqueas 5:1 |
|
Kwata metani |
Isaías 50:6 |
Juan 19:1 |
Nuain nämene tare ngwane, ñaka ja ngie mikani kwe |
Isaías 50:6 |
Juan 18:22, 23 |
Gobrantre käkwe ja mikani rüere |
Salmo 2:2 |
Lucas 23:10-12 |
Kise aune ngoto metani kribätä |
Salmo 22:16 |
Mateo 27:35; Juan 20:25 |
Dän kwe ye rabadre nirekwe yekäre suerte kitani |
Salmo 22:18 |
Juan 19:23, 24 |
Ni ja mikaka ngite erere mikani tuin jai |
Isaías 53:12 |
|
Ñäkäbare tare ie aune ñan mikani ütiäte jai |
Salmo 22:7, 8 |
|
Nämene juto biare ja tare nikakäre nitre ngite kräke |
Isaías 53:5, 6 |
1 Pedro 2:23-25 |
Ngöbökwe kämikaninkäbätä namani tuin |
Salmo 22:1 |
|
Vinagre hielbe biani ñadre ie |
Salmo 69:21 |
|
Krütadre känenkri tomana namani ie |
Salmo 22:15 |
Juan 19:28, 29 |
Ja nire kwe mikaninta kwe Ngöbö kisete |
Salmo 31:5 |
Lucas 23:46 |
Ja nire biani kwe |
Isaías 53:12 |
|
Ni kökanintari kwe ngite diankakäre |
Isaías 53:12 |
|
Kroko ñaka ötaninbätä jire |
Salmo 34:20 |
Juan 19:31-33, 36 |
Lanza kriani teta |
Zacarías 12:10 |
Juan 19:33-35, 37 |
Doboi mikani ni jondron bäkäne erere |
Isaías 53:9 |
|
Ganinkröta |
Salmo 16:10 |
Hechos 2:29-31 |
Ni ja mikaka rüere ye täte mada mikani |
Salmo 109:8 |
Hechos 1:15-20 |
Täkänintubu Ngöbö kise ruinkri |
Salmo 110:1 |
Hechos 2:34-36 |
a Cyclopedia de McClintock aune Strong tä niere: “Registro tribukwe aune nitre ja mräkäre judiokwe ye juani ngwarbe Jerusalén diani jai ngwane aune ñaka känenkri raba ruin nie”.
b Kukwe hebreobiti Emmanuel nieta, ye abokän “Ngöböta nibe” meden gärätä, Jesukwe sribi nuain Mesías erere mikata gare kwin. Nämene kä tibienbätä aune sribi nuainbare kwe, yebiti nireta Ngöbö mike täte yebe Ngöböta bä namani (Lucas 2:27-32; 7:12-16).
c Kukwe Nazareno ye kite kukwe hebreo nétser yekri, abokän “bükün” meden gärätä.
d Mesías rükai kä 29 ye ngwane mikata gare ño cronología bibliabätä ye mä törba mikai gare jai ngwane kukwe kädekata “Mesías rükai ye Daniel ni Ngöbö kukwei niekä käkwe mikani gare” ye mäkwe mikadre ñärärä.
e Profecía ne tä tärä Zacarías yebätä, akwa Mateo ni tärä tikaka tä niere “blitabare ni Ngöbö kukwei niekä Jeremías yebiti” (Mateo 27:9). Sección de las Escrituras yete kukwe kädekata “los profetas” yete ruäre ngwane tärä Jeremías ye mika nämäne käne raba ruin nie (Lucas 24:44). Sección jökrä ye mikakäre gare Mateokwe tärä “Jeremías” kädekaninte raba ruin nie aune yete tärä Zacarías nämäne arato.
Ne rabai tuen kwin mäi arato
NI MIKAKA NGWÄTE
Ñobätä meri judía ja töi kwitani tä mike gare
KUKWE BIBLIABÄTÄ DRIETA
Nunta nitre tötike ño bibliabätä ye mike gare jai
Ja tötika Bibliabätä ütiä kärä ñaka ye kain ngäbiti.