Kukwe jökrä tä nitre kä tibienbätä mike ja tare nike ye gobran Ngöbökwe käkwe diainkä mikani gare Jesukwe (Mateo 6:10). Kukwe bämikani ketebu tä Mateo 13:44-46 yete, ye tä mike gare kukwe metre gobran Ngöbökwebätä ye ütiäte krubäte:

•   Ni iti tä sribire tirete ye ie tesoro tä ükani ye kuni.

•   Ni jondron rürübäinkä iti tä perla bä nuäre känene ye ie perla ütiäte kuni.

 Nitre nibu ne ja töi mikani juto biare jondron kwetre ye rürübäinkäre ne kwe tesoro kwani ietre ye kökadre kwetre jai yekäre. Jesukwe kukwe bämikani nitrebätä, nitre ye erere tärä kä ngwane: Gobran Ngöbökwe ye ütiäte krubäte kräketre ye medenbätä tätre juto biare kukwe ñaka nuäre nuainkäre ne kwe kukwe kwin ye rabadre kwetre arato (Lucas 18:29, 30). Nitre nibu ne käkwe ja ngwani nitrebätä kukwe bämikani Jesukwe ye erere ye mike ñärärä video nekänti.