Ñakare. Nun testiko Jehovakwe ye abokän kristiano, akwa nun ñaka ja bien kukwe protestante yebätä.

 Nitre kwati ie nüke gare iglesia protestante ye käkwe kukwe keta kabre drieta Iglesia Católica Romana yekwe ye tuanimetre. Iglesia Católica tä kukwe keta kabre driere ye erametre nun testiko Jehovakwe ñaka tä kain ngäbiti, akwa nun ñaka tä kukwe protestante ye mike täte. Kukwe ketebubätä nun ñaka tä mike täte ye ani mike gare jai:

1.   Kukwe keta kabre drieta kukwe protestante yekwe ye erere Biblia ñaka driere. Ñodre, Ngöbö ye Ni Nimä Ngöböre Itibe ye Biblia ñaka niere, ñakare aune niara ye “Ngöbö itibe” (1 Timoteo 2:5, Kukwe Kuin Ngöbökwe; Juan 14:28). Nitre kukwe blo nuainkä ye mikata ja ngie nuin kärekäre kä ñukwäre yete ye Biblia ñaka driere, ñakare aune nitre kukwe blo nuainkä ye gateta kärekäre (Salmo 37:9; 2 Tesalonicenses 1:9).

2.   Nun ñaka ja töi mike Iglesia Católica aune kukwe mada mada mikata täte ye ñäkebiti jene jene. Ñakare aune, nun töita metrere kukwe kwin Gobran Ngöbökwe ye driebätä aune nunta nitre töi mike tödeke kukwe kwin drieta yei (Mateo 24:14; 28:19, 20). Nun ñaka tö kukwe mada mada mikata täte ye ñäkäibiti jene jene, ñakare aune nun tö kukwe metre Ngöböbätä aune Kukwe Ngöbökwe ye driei nitre tö nun kukwe nuai yei (Colosenses 1:9, 10; 2 Timoteo 2:24, 25).