Gätä nuainta ño nunkwe ye mike gare bäri jai. Gätä nuainta medente mä ken ye mäkwe känä.

Nitre testiko Jehovakwe tä ja ükökrö bobu bämän kratire kratire Ngöbö mikakäre täte (Hebreos 10:24, 25). Gätä nebätä nitre jökrä raba niken, yete ja tötikata Bibliabätä aune ni raba kukwe ye nuainne ño ye mikata gare.

Gätä bäsi jökrä yete kukwe ngwantarita aune nitre ja ükaninkrö yete raba blite. Gätä kömikata aune mikata krüte kantiko aune orasion yebiti. Ja töi jeñebiti blitadre.

Nitre jökrä raba niken gätä nuainta nitre testiko Jehovakwe yebätä. Nunta nitre jökrä nübaire gätä yebätä. Gätä yete ñaka ngwian käräta jire chi.