Kä Derby (Australia Nedrinkri) ye ken Centro de Detención de Inmigrantes Curtin ye nemenkä. Oficina ye käkwe diploma biani nitre testiko Jehovakwe ni ökän yei, ñobätä ñan aune niaratre “sribibare kwin” nitre ruäre käkwe ja käi tuanimetre aune nikani nüne kä madabiti tä ketaninte ye kräke. Centro de Detención de Inmigrantes Curtin ye ju bäri kri nemenkä juta yete abokän te nitre käkwe ja käi tuanimetre ye ketateta. a

Nitre tä ketaninte kä yekänti tä ja tuin kukwe meden ben ye kukwe nuakäre aune dimikakäre Biblia yebiti nitre testiko tä niken niaratre känti bämän kratire kratire te. Christopher Riddoch sribikä kä yekänti, niara tä blite nitre kukwebätä ben aune tä kukwe mada nuainne käkwe niebare “nitre Testiko tä nüke nitre ketaninte nete ye tuinbiti ye tä mate kwin nitre yebätä ye gare ni madai”. Nitre Testiko ye köböire jata nemen ruin bäri kwin nitre yei aune kätä nemen bäri nuäre bätätre ye tuin kore Riddoch ie. Niara tä niere nitre Testiko tä niken nitre brare ye tuinbiti ye tä mike gare ietre “ni tärä abokän tö kukwe kwin tuai nemen niaratre yekwe”.

Arato, Christopher Riddoch käkwe mikani gare “nitre käkwe ja käi tuanimetre tä ketaninte aune ngübata kä yekänti” ye nitre Testiko tä töi miketa kwin, ye medenbätä diploma biani ietre debe biankäre. Arato niebare kwe nitre Testiko tä sribire kwin krubäte ye köböire “blitata kwin mräkätre kwe yebätä, konkrekasion kwetre aune kukwe mikata täte kwetre yebätä”.