Ma’aikatar Tsaro ta Kasa (MNS) a Azabaijani ta kara wa Shaidun Jehobah biyu wato, Irina Zakharchenko da Valida Jabrayilova, tsawon kwanakin jira a kurkuku kafin a yi musu shari’a. A ranar 17 ga Fabrairu, 2015, MNS ta tuhume su da laifin rarraba littattafai da ke bayyana Littafi Mai Tsarki ba tare da “izini ba” kuma suka tsare su a kurkuku. A ranar 7 ga Mayu, 2015, Kotun Gunduma da ke yankin Sabail ya yarda a tsare su har sai ranar 17 ga Yuli. Kotun ya ki ya yarda a yi musu daurin talala a gida. Wasu lauyoyi da ke wakiltar Shaidun Jehobah sun shigar da kara a kan yadda ake yi wa matan rashin adalci kuma sun nuna damuwarsa a kan yadda hakan yake shafan lafiyarsu. Gwamnati tana kan binciken wasu Shaidun Jehobah.