Su wane ne za mu marabtar da kyau? Duka sababbin mutanen da suka zo taronmu da kuma waɗanda suka daɗe ba su halarci taro ba. (Ro 15:7; Ibr 13:2) Ko ‘yan’uwanmu da suka zo daga wata ƙasa ko kuma waɗanda suka yi shekaru da yawa ba su zo taro ba. Idan kai ne a irin wannan yanayin, yaya za ka ji in aka marabce ka da kyau? Za ka yi farin ciki sosai ko ba haka ba? (Mt 7:12) Don haka, zai yi kyau ka gaisa da mutane a Majami’ar Mulki kafin a soma taro da kuma bayan an gama taro. Hakan yana ƙara sa mu jin daɗin taro sosai kuma yana ɗaukaka Jehobah. (Mt 5:16) Wataƙila ba zai yiwu mu gaisa da kowa ba. Amma mutane za su yi farin ciki idan muka yi iya ƙoƙarinmu don mu gaishe su. *

Ba sai a taron Tunawa da Mutuwar Yesu ne kawai za mu marabci mutane da kyau ba. Amma muna bukatar yin hakan a kowane lokaci. Idan sababbi suka ga yadda muke ƙaunar juna, hakan zai motsa su su ɗaukaka Jehobah kuma su soma bauta masa.—Yoh 13:35.