A kowace shekara, bayin Jehobah suna marmarin lokacin da za a yi taron Tunawa da Mutuwar Yesu. Makonni kafin taron Tunawa da Mutuwar Yesu da kuma bayan hakan, muna amfani da dama ta musamman da muke da shi na yabon Jehobah da kuma gode masa don kyautar fansa da ya ba mu. (Afi 1:​3, 7) Alal misali, muna iya ƙoƙarinmu mu gayyaci mutane zuwa taron Tunawa da Mutuwar Yesu. Wasu sun tsara ayyukansu don su yi hidimar majagaba na ɗan lokaci da niyyar ba da awa 30 ko 50 a watan Maris ko Afrilu. Za ka so ka ƙara yawan lokacin da kake yi a waꞌazi a lokacin? Me zai taimaka maka ka yi hakan?

A yawancin lokuta, za mu iya cim ma burinmu har ma fiye da hakan idan muka yi shiri da wuri. (K. Ma 21:5) Da yake an kusan yin taron Tunawa da Mutuwar Yesu, yanzu ne ya kamata a soma shiri. Ka yi tunanin yadda za ka daɗa ƙwazo a waꞌazi a lokacin, kuma ka tsai da shawarar abin da ya kamata ka yi don ka cim ma burinka. Sai ka roƙi Jehobah ya albarkace ka.​—1Yo 5:​14, 15.

Shin za ka iya yin tunanin hanyoyin da za ka daɗa ƙwazo a waꞌazi a lokacin taron Tunawa da Mutuwar Yesu?