Jehobah ya taimaka wa talakawa a Isra’ila ta dā. A waɗanne hanyoyi ne yake taimaka wa bayinsa talakawa a yau?

• Ya koya musu su kasance da ra’ayin da ya dace game da kuɗi.​—Lu 12:15; 1Ti 6:​6-8

• Ya taimaka musu su san cewa suna da mutunci.​—Ayu 34:19

• Ya koya musu su yi aiki tuƙuru kuma su guji halayen banza.​—K. Ma 14:23; 20:1; 2Ko 7:1

• Ya sa su kasance cikin ƙungiyarsa da ’yan’uwa suke ƙaunar juna.​—Yoh 13:35; 1Yo 3:​17, 18

• Ya sa su kasance da bege.​—Za 9:18; Ish 65:​21-23

Ko da muna cikin yanayi mai wuya, bai kamata mu riƙa yawan damuwa ba. (Ish 30:15) Jehobah zai biya bukatunmu muddin mun sa al’amuran Mulki farko a rayuwarmu.​—Mt 6:​31-33.

KU KALLI BIDIYON NAN KU NUNA ƘAUNAR DA BA TA ƘAREWA KO DA . . . KUNA FAMA DA TALAUCI​—KWANGO, SAI KU AMSA TAMBAYOYI NA GABA:

• Ta yaya ’yan’uwan da suke zama kusa da wuraren da ake taron yanki suka kula da ’yan’uwan da suka halarci taron daga wasu wurare?

• Mene ne bidiyon nan ya koya mana game da yadda Jehobah yake kula da talakawa?

• Ta yaya za mu iya yin koyi da Jehobah ko da mu talakawa ne ko masu arziki?