RAYUWAR KIRISTA
Kuna Shirye don Faɗuwar Tattalin Arziki?
Ba ma mamaki saꞌad da abubuwan da ke faruwa a duniya suka taɓarɓare tattalin arziki. Me ya sa? Domin muna rayuwa a ƙarshen kwanaki na ƙarshe kuma Littafi Mai Tsarki ya gargaɗe mu kada mu dogara ga “arziki marar tabbata.” (1Ti 6:17; 2Ti 3:1) Mene ne abin da ya faru da Sarki Jehoshafat ya koya mana game da kasancewa a shirye don faɗuwar tattalin arziki?
Jehoshafat ya dogara ga Jehobah saꞌad da maƙiyansa suka yi barazanar yaƙi da shi. (2Tar 20:9-12) Ƙari ga haka, ya yi shirye-shirye ta wajen gina katanga da kuma kafa barikin sojoji da yawa. (2Tar 17:1, 2, 12, 13) Kamar Jehoshafat, zai dace mu dogara ga Jehobah kuma mu yi shirye-shiryen fuskantar yanayoyi masu wuya.
KU KALLI BIDIYON NAN A SHIRYE KAKE IDAN BALAꞌI TA AUKU? SAI KU AMSA TAMBAYOYI NA GABA:
-
Mene ne za mu iya yi don mu yi shiri kafin balaꞌi ta auku?
-
Ta yaya za mu kasance a shirye don mu taimaka wa mutane?
