Maƙasudan da za mu iya kafawa sun ƙunshi ayyukan da za mu yi ƙoƙari mu cim ma don mu daɗa ƙwazo a bautarmu ga Jehobah kuma mu faranta masa rai. Ya dace mu ba da lokacinmu da kuzarinmu don mu cim ma waɗannan maƙasudan da yake suna taimaka mana mu manyanta. (1Ti 4:15) Me ya sa ya kamata mu riƙa bincika maƙasudanmu? Domin yanayinmu yana iya canjawa. Wataƙila maƙasudi da muka kafa a dā bai dace da yanayinmu a yanzu ba, ko mun riga mun cim ma shi kuma za mu iya kafa wani.

Kafin a soma sabuwar shekarar hidima ne ya dace mu bincika maƙasudanmu. Za ku iya tattauna wannan batun a lokacin ibada ta iyalinku kuma ku kafa wasu maƙasudai a iyalinku.

Waɗanne maƙasudai ne za ku iya kafawa a waɗannan fannonin, kuma waɗanne matakai ne kuke so ku ɗauka don ku iya cim ma su?