Gabatarwar Sashe na 14
Kiristoci a ƙarni na farko sun yaɗa bishara game da Mulki a wurare da yawa. Yesu ya nuna musu wurin da za su yi wa’azi kuma ya taimaka musu su iya yi wa mutane wa’azi a yarensu. Jehobah ya sa sun kasance da gaba gaɗi kuma ya ba su ƙarfi su jimre duk tsanantawar da aka yi musu.
Yesu ya saukar wa manzo Yohanna da wahayi da ya nuna ɗaukakar Allah. A wani wahayi, manzon ya ga yadda Mulkin Allah ya halaka Shaiɗan da kuma mabiyansa har abada. Ya ga Yesu da kuma mutane 144,000 suna sarauta. Ƙari ga haka, Yohanna ya ga duniya ta zama aljanna, mutane suna zaman lafiya kuma suna bauta wa Jehobah cikin haɗin kai.
A WANNAN SASHEN
DARASI NA 95
Sun Ki Su Daina Wa’azi
Malaman addinai da suka sa aka kashe Yesu suna son su hana mabiyansa yin wa’azi. Amma ba za su iya ba.
DARASI NA 97
Karniliyus Ya Sami Ruhu Mai Tsarki
Me ya sa Allah ya aika Bitrus zuwa gidan wannan mutumin da ba Bayahude ba?
DARASI NA 98
Mutane da Yawa Sun Zama Kiristoci
Manzo Bulus da abokansa sun soma wa’azi a kasashe masu nisa.
DARASI NA 99
Wani Mai Gadi Ya Zama Kirista
Ta yaya aljani da girgizar kasa da kuma takobi suka shafi wannan labarin?
DARASI NA 101
An Tura Bulus Kasar Roma
Tafiyar da suka yi na cike da hatsari, amma babu abin da ya isa ya hana wannan manzon yin hidimarsa.
DARASI NA 103
Bari “Mulkinka Ya Zo”
Wahayin da Yohanna ya gani ya nuna yadda Mulkin Allah zai canja yanayinmu a duniya.
