DARASI NA 2

Ka Yi Kamar Kuna Tattaunawa

KA KUNNA

2 Korintiyawa 2:17

ABIN DA ZA KA YI: Ka yi magana a sake yadda zai nuna cewa kana son batun da kake tattaunawa kuma ka damu da masu sauraronka.

Yi haƙuri, media player ya ƙi yin aiki.Sauko da Bidiyon

Ka yi shiri da kyau kuma ka yi addu’a. Ka roƙi Jehobah ya taimaka maka don ka mai da hankali ga saƙon ba kanka ba. Ka yi ƙoƙari ka fahimci ainihin muhimman darussan da kake so ka koyar. Kada ka karanta abin da kake so ka faɗa, amma ka riƙa magana kamar kuna tattaunawa.

Idan za ka karanta wani nassi daga Littafi Mai Tsarki ko wani littafi dabam, ka yi shiri da kyau don karatun ya tafi sumul. Yayin da kake faɗin abin da wani ya faɗa, ka yi hakan kamar kana cikin yanayin mai maganar, amma ka yi amfani da muryarka.
Ka yi magana daga cikin zuciyarka. Ka yi tunani a kan dalilan da suka sa masu sauraronka suke bukatar saƙon. Ka mai da hankali a kansu. Tsayawarka da motsin hannayenka da jikinka da kuma yadda fuskarka take su nuna cewa abin da kake faɗa gaskiya ne.

Ka yi magana kamar kuna tattaunawa amma kada ka mai da batun wasa. Ka yi magana yadda za a gane kuma ka bi ƙa’idodin yaren domin saƙon ya kasance da daraja.
Ka kalli masu sauraronka. Ka kalli idanun masu sauraronka idan ana yin hakan a yankin. Yayin da kake tattaunawar, ka riƙa kallon mutane ɗaya bayan ɗaya maimakon ka riƙa jujjuyawa kana kallon kowa da kowa.

KA MAI DA HANKALI GA KARATU DA KUMA KOYARWA

Hausa

Karatu da Koyarwa—Ka Yi Kamar Kuna Tattaunawa

https://assetsnffrgf-a.akamaihd.net/assets/ct/46e9307b0a/images/syn_placeholder_sqr.png

th darasi 2 p. 5