Shawara a Kan Yin Bincike
Ayyuka don Yara
Hakkin iyaye ne su koyar da yaransu game da Jehobah, kuma wannan babban hakki ne. (Afis. 6:4) Ƙungiyar Jehobah ta wallafa abubuwa da dama don ta taimaka wa iyaye su cika hakkin nan. Ta yaya za ku yi amfani da su wajen koyar da yaranku?
Ku shiga JW.ORG. A jw.org/ha, akwai bidiyoyi da yawa da takardu da za a iya saukarwa don yara su yi rubutu ko zane a kai. a Don ku same su, ku rubuta “Yara” ko kuma “Matasa” a inda aka ce “Bincika.”
Ku zaɓi wanda ya dace da yaranku. A sashen yara, za ku iya zaɓan bidiyoyi da dai sauransu da kuke ganin za su taimaka ma yaronku. Don ku samo su, ku rubuta “Ayyuka don Ibada ta Iyali” a inda aka ce “Bincika.”
Ku tattauna darasin da yaranku. Kar ku riƙa amfani da bidiyoyin ko kuma ayyukan nan don kawai ku ba wa yaranku ayyukan yi. A maimakon haka, ku tattauna bayanin da ke ciki da ɗanku ko ꞌyarku, da niyyar taimaka musu su zama abokan Jehobah.
a A manhajar JW Library®, akwai duka bidiyoyi na matasa da muke da su da Hausa, amma ba a gama fitar da duka takardunsu don zane da rubutu ba.
