ꞌYanꞌuwa da yawa suna amfani da JW Library^® don su shirya taro, kuma suna jin daɗin yadda manhajar take kai su talifin da za a yi nazarin sa kai tsaye. Amma a yawancin lokuta, Hasumiyar Tsaro ta nazari takan ƙunshi wasu talifofin da ba na nazari ba ne. Ta yaya za ka samu talifofin nan a JW Library kuma ka amfana daga ciki?

• A ƙarshen kowanne talifin nazari, akwai wannan ƙaramin jigon, wato “Additional Reading.” A ƙarƙashin ƙaramin jigon, ka danna “Other articles in this issue.” Ka bincika sashen abin da ke ciki, za ka ga yadda aka tsara talifofin nazari, kuma an ba su lamba. Ka danna jigon talifin da ba na nazari ba da kake so ka karanta.

• Idan ka je shafin farko na JW Library, sai ka duba sashen “What’s New,” wato sabon abu. Ka sauƙar da sabuwar Hasumiyar Tsaro idan ta bayyana a wurin. Ka buɗe Hasumiyar Tsaron kuma ka duba sashen abin da ke ciki don ka tabbata cewa ka amfana daga dukan talifofin da ke Hasumiyar Tsaron.