Wani mataimakin Kwamitin Buga Littattafai na Hukumar da Ke Kula da Ayyukan Shaidun Jehobah mai suna Harold Corkern ya ba da wani jawabi daga Littafi Mai Tsarki mai jigo “Cim ma Makasudinku.” (Living Up to Your Potential) Masu ba da jawabi suna ziyarar Warwick a kai a kai don su karfafa ma’aikatan.

Wannan farin tamfal yana kāre ma’aikatan kuma yana taimaka musu su cim ma aikinsu a lokacin da ake matsanancin dari. A wannan bangare na ginin ne za a saka gidan cin abinci da sashen kula da marasa lafiya da kicin da kuma sashen wanki.

Masu gyaran wuta suna shirin saka wayar lantarki. Tsawon wayar wuta da aka warware a cikin gidajen zama ya wuce kafa 40,000. Da zarar an sayi filin Warwick, sai aka soma aikin gyaran wuta kuma za a ci gaba da yin hakan har sai an kammala aikin gine-ginen.

Wani ma’aikaci yana rufe baranda da wani irin tef mai gam (duct tape) don hana ruwa shiga. A nan, ana rufe barandan da suke sama da wani kayan aiki mai nau’in ruwa don hana wurin jikewa. Ana kiran wannan kayan aikin polymethyl methacrylate.

Wani mahaifi da diyarsa, masu gyaran wuta suna saka wayoyin da za su kai wutar lantarki zuwa gidajen zama.

Ma’aikata suna cin abincin rana a gidan cin abinci da aka gina na dan lokaci. A kowace rana, ana ba da abincin rana fiye da kwanuka 2,000.

Masu aikin ayon benda suna saka karafuna a harsasin gini, inda za a gina shaguna don yin gyare-gyare.

Wasiku da yara suka rubuta don nuna godiyarsu ga ma’aikatan. Masu taimakawa da yawa suna zuwa su yi aiki a Warwick na dan lokaci. Ana samun sababbin ma’aikata kimanin 500 kowane mako. A watan Fabrairu, wajen mutane 2,500 ne suka yi aiki a Warwick kowace rana.

An gama wajen kashi 60 na aikin gine-ginen yanzu. Daga Janairu zuwa Afrilu 2015, an gama tsara yadda gidajen zama za su kasance. Kari ga haka, an kammala aikin ayon benda a ginin da ke dauke da Ofisoshi da Wuraren Hidimomi. Har ila, a wannan lokacin ne ma’aikata suka soma kafa bangwayen kankare a Gidan Gyare-Gyare, sun gina hanyoyin tafiya tsakanin gidajen zama kuma sun gyara wani dam a tafkin da ake kira Sterling Forest Lake ko kuma Blue Lake.

Yadda dakin da za a saka matakala a ciki yake daga kasa. ’Yan kwagila sun gina irin wadannan dakuna don saka matakala. Kowane dakin matakala yana da tsawon bene mai hawa biyar. Shaidun Jehobah ne suka taimaka wajen zuba kankaren.

Wata rana da aka yi sanyi sosai, masu aikin ayon benda suna saka karafuna a hawa na fari. Dusar kankara da aka yi a Warwick daga Janairu zuwa Maris ya kusan inci 50. Mutane masu share dusar kankara sun yi ta tsabtace wuraren aikin kuma an saka wani na’ura mai tanadar da iska mai zafi don ma’aikatan su ji dumi.

An kera da karafuna kuma aka rufe da kwanon karfe. A karshen Afrilu, an gama yawancin rufin na gidajen zama kuma an kafa su. A watan Yuni ne aka kafa rufin na Gidan Zama na B. Wannan shi ne rufin na karshe da aka saka.

Yadda wurin yake daga cikin injin mai daga kaya wato, tower crane da ke fuskantar Gidan Zama na B.

Masu aikin famfo suna duba zane a Wajen Ajiye Mota don Mazauna. Zane-zanen da ake bukata don kammala aikin gaba daya sun wuce 3,400.

Ma’aikata a cikin inji mai daga mutum sama (boom lift) suna saka tamfal don su kāre ginin. An gudanar da azuzuwa dabam-dabam don horar da ma’aikata su san yadda ake amfani da injuna da kuma na’urorin da kyau. Azuzuwan kiyaye hadari da aka gudanar sun kunshi na yadda za yi amfani da inji mai daga mutane sama, da na kiyaye mutum daga faduwa, da na yadda ake yin amfani da kayan numfashi, da kafa injunan masu dauka kaya da dai sauransu.

Wannan hoton yana fuskantar yamma inda gidajen zama suke. A karshen watan Afrilu, an soma aikin wuta da kuma fanfo a gidajen zama na A da B da kuma D kamar yadda aka nuna a hoton nan. A gidan zama na C (hoton ba ya nan), an soma toshe ramukan da ke jikin bango da saka tayil da kuma fenti.

Wasu ma’aikata biyu a kan inji mai daga mutane sama (boom lift), suna shafa fenti mai hana danshi a jikin bangon waje. Shafa wannan fenti mai hana danshi a kowane gidan zama yana daukan wajen wata biyu.

Magina suna gina bango da bulo na dutse. A wannan sashe na ginin ne za a gina wurin gudanar da wasu hidimomin taimako da kuma wurin karban kayayyakin da ake kawowa.

Wani mai shigar ruwa da aka yi hayarsa yana saka sabuwar na’urar bude inda ruwa yake bi bayan ya cire tsohuwar. Yanzu, ta wajen amfani da na’ura, za a iya rage yawan ruwan da ke tafkin (Blue Lake) don a hana ambaliyar ruwa awkuwa sa’ad da aka yi guguwar ruwa da iska.